優點心 (已結業)

今日放工約左好朋友去中環行街街shopping，行到攰好朋友突然話好耐冇去飲茶好想去歎番一盅兩件，於是乎我地立即上openrice呢個揾食網站搜尋下邊到有食點心的地方，見到係蘭桂芳有間叫優點心的餐廳好似唔錯，我地就立即急急腳行過去！黑松露蝦餃皇~皮薄餡靚，配埋黑松露一齊食，咸香惹味蝦米肉鬆粢飯~食落去D飯煙煙韌韌，加埋肉鬆一齊食甜甜地好味原隻鮑魚燒賣、海膽燒賣、蜜汁叉燒腸~鮑魚彈牙爽口，海膽新鮮，燒賣肉質嫩滑，叉燒腸亦都唔錯，口感一流！芝麻黃金蝦餅、拉絲芝士蒜香春捲~炸得剛剛好，食落卜卜脆，蝦餅彈牙，春捲香口惹味！最後飲埋杯冰凍乳酸爆珠，酸酸甜甜好好飲！