影片
更多
2019-05-05
86 瀏覽
上星期同男朋友去左一間超高質西班牙菜餐廳食brunch～呢間餐廳好闊落有好多小擺設，好有外國色彩，而且服務相當好。Weekend brunch包左好多野！$350一位都唔算貴。另外我地仲叫左兩杯Sangria嘆下。Sangria 好醇好清新！Mix Spanish Cold Cuts西班牙火腿同西班牙香腸絕對係必食之選，睇落薄薄一片，但係肉質好煙韌，口感一流，芝士好香，入口軟腍。檻欖同番茄包都好正。Tartar De Atun吞拿魚好新鮮，搽落去多士塊到一齊食，多士鬆脆嘅感覺加上軟腍嘅吞拿魚，加上牛油果汁，配搭好特別。Padrones Padron peppers 係西班牙一種好出名嘅椒，外表睇落綠色細細隻，有d似青椒，不過就唔同味道，佢係有少少甘甜，同埋唔辣。Patatas bravas 呢碟可以話係薯仔方塊，粒粒都好足料，加上個醬汁好惹味。Albondigas 肉丸好入味！個汁好特別。Gambas Al Ajillo 蝦味道鮮甜，個汁都係幾有咖哩嘅感覺，配埋多士好夾。Paella mixta勁大份既西班牙炒飯，飯粒色澤好均勻，金黃色好sharp，d海鮮有蜆、青口同蝦。裡頭仲有雞肉、
Weekend brunch包左好多野！$350一位都唔算貴。另外我地仲叫左兩杯Sangria嘆下。
Sangria 好醇好清新！
Mix Spanish Cold Cuts西班牙火腿同西班牙香腸絕對係必食之選，睇落薄薄一片，但係肉質好煙韌，口感一流，芝士好香，入口軟腍。檻欖同番茄包都好正。
Tartar De Atun吞拿魚好新鮮，搽落去多士塊到一齊食，多士鬆脆嘅感覺加上軟腍嘅吞拿魚，加上牛油果汁，配搭好特別。
Padrones Padron peppers 係西班牙一種好出名嘅椒，外表睇落綠色細細隻，有d似青椒，不過就唔同味道，佢係有少少甘甜，同埋唔辣。
Patatas bravas 呢碟可以話係薯仔方塊，粒粒都好足料，加上個醬汁好惹味。
Albondigas 肉丸好入味！個汁好特別。
Gambas Al Ajillo 蝦味道鮮甜，個汁都係幾有咖哩嘅感覺，配埋多士好夾。
Paella mixta勁大份既西班牙炒飯，飯粒色澤好均勻，金黃色好sharp，d海鮮有蜆、青口同蝦。裡頭仲有雞肉、青椒同埋豆角，最後落埋檸檬汁，飯粒好軟腍而且好香好入味。
Cochinillo燒乳豬好香，層皮好香脆，肉質鮮嫩多汁，味道好香口。
Churros 甜品係西班牙油條，可以有朱古力同雲呢拿點黎食，油條香脆同埋甜甜地，飯後食番條都幾享受。
整體好滿意！
張貼
