影片
更多
2013-03-25
11 瀏覽
麥當當真是嘈到爆....除了McCafé果邊會稍為靜少許外，入到快餐果邊真的搵唔到一處位置會較靜的...如果剛好坐正係一堆玩Game的人隔離，真係好恐佈，啱啱我地就係坐咗係呢到，幾個廿歲男女玩卡Game....救命！！不過都冇辦法，來得麥當當都唔可以有要求啦，有個位唔使同人搭枱可以攤成份報紙都已經滿足啦。呢日等佢收工後成２點先到，已經變咗下午茶了，我地係McCafé點咗幾款野食：① 紅豆批 Red Bean Pie ($6)② 意大利咖啡林明頓 Cappuccino Lamington x2 ($12)③ 粒粒豬柳通粉 ($19)④ 全麥圈 Whole Wheat Bagle (with Cream Cheese) ($16)⑤ 金榛梳乎厘咖啡 ($27)Total: $80本身係唔係老麥的XX批嘅，唯獨＜紅豆批＞會食，因我係好鍾意食紅豆嘅，早幾年見佢推出＜紅豆批＞食過一次已經好驚喜，不過每年只推出一段小時間，今次終於再食到喇。紅豆餡滿滿，要襯佢熱辣辣加上脆脆的外皮食，好味，雖然紅豆偏甜，不過我都接受到。終於都推出新Lamington了，冇咗核桃咖啡林明頓，取而代之係幾年前限定期間出過
不過都冇辦法，來得麥當當都唔可以有要求啦，有個位唔使同人搭枱可以攤成份報紙都已經滿足啦。
呢日等佢收工後成２點先到，已經變咗下午茶了，我地係McCafé點咗幾款野食：
① 紅豆批 Red Bean Pie ($6)
② 意大利咖啡林明頓 Cappuccino Lamington x2 ($12)
③ 粒粒豬柳通粉 ($19)
④ 全麥圈 Whole Wheat Bagle (with Cream Cheese) ($16)
⑤ 金榛梳乎厘咖啡 ($27)
Total: $80
本身係唔係老麥的XX批嘅，唯獨＜紅豆批＞會食，因我係好鍾意食紅豆嘅，早幾年見佢推出＜紅豆批＞食過一次已經好驚喜，不過每年只推出一段小時間，今次終於再食到喇。紅豆餡滿滿，要襯佢熱辣辣加上脆脆的外皮食，好味，雖然紅豆偏甜，不過我都接受到。
終於都推出新Lamington了，冇咗核桃咖啡林明頓，取而代之係幾年前限定期間出過的＜意大利咖啡林明頓＞，其實我係非常鍾意食之前的核桃咖啡林明頓，雖然冇咖啡味，但有粒粒核桃係好食嘅，不過又估唔到＜意大利咖啡林明頓＞真係有CAPPUCCINO味又唔會甜，真係好食喎！！
睇落極之普通嘅＜粒粒豬柳通粉＞，睇佢似是豬柳漢堡的肉扒切粒，不過焗後小小硬反而似PizzaＤ肉碎又不錯噃，加上佢係用Mozzarella Cheese連同茄醬烘焗，又估佢唔到都幾好食。
記得第一次食Bagle係３年前在台灣Starbucks食的，自此就鍾意咗佢，以前我只鍾意食法包／硬豬，就係偷佢夠硬，但Bagle就係外脆內軟，食落煙煙韌韌，食感對我胃口係好唔同噃，但鍾意就是了。今次老麥呢個用全麥的＜全麥圈＞配Cream Cheese都唔錯，鬆軟且有彈性，面層更鋪滿麥糠，我鍾意食麥味嘅野，呢個就十足喇，很不錯！！
本來覺得＜金榛梳乎厘咖啡＞有Ｄ奇怪，但見barista要好用心同時間整呢杯野，即時覺得正咗。barista話飲呢杯咖啡前要食左表面個層泡泡先，如果唔係好快會榻，我就覺得奶泡及灑上面的榛子朱古力粉的確係好味嘅，可是杯啡就太甜了，飲到底還有點朱古力syrup係到，甜味蓋過了咖啡味了。
張貼
