新泰東南亞餐廳 (雙子匯1期)

成日都係去九龍城食泰國嘢，今日試吓轉場去啟德，去SOGO樓上食新泰。

今晚食咗好多嘢！蒜蓉越南牛油雞翼非常推介，新鮮熱辣辣，香脆好味。

香蘭葉包雞都唔錯，香蘭葉包住嫩滑雞肉，雞肉充滿香料嘅味道，好食又唔會太重口味。

燒豬頸肉都正，大大碟！

越式蟹肉炒粉絲好足料，好多蔬菜同扎肉，味道清清地。

食泰國嘢一定要食咖喱啦，紅咖喱雞味道濃郁、唔係好辣，個咖喱汁好好味，配香脆嘅蒜蓉包冇得頂！三個人食咗兩份蒜蓉包先夠🤣

飛天通菜簡單但又幾好食，通菜炒到脆卜卜，搭配蒜蓉同麵醬，好味又健康。

最後一人一杯芒果沙冰～*