一豚豬手專門店 (已結業)

太安樓一向都係街坊搵食熱點，嗰日去開發現有間「一豚豬手專門店」。豬手專門店，口味有招牌黑椒豬手，韓式滷水豬手。玻璃櫃放滿豬手及滷水小食，非常吸引，決定買返屋企，同屋企人一齊分享。仲有丼可以選擇，而且非常超值。多款套餐，啱晒一班人分享。原隻豬手即時起骨、切件，新鮮熱辣。韓式滷水豬手豬手肥瘦分明，肉質鮮嫩，滷水香甜。豬皮爽滑，醃料入味。韓式焗春雞烘烤後能保持嫩滑，外皮香脆，口感豐富。雞肉嫩滑，充滿肉汁。附送酸辣汁，沾豬手特別開胃。