味道樂居酒屋 (元州街) (已結業)

有時候會跟同事出街吃午飯，不過，通常吃lunch我都係無咩idea (dinner就唔同)，只會跟大隊。求求其其，唔使排隊，至緊要快就OK。當然，加埋平靚正就更good fit。今日被帶到去長沙灣元洲街青華閣嗰邊的一間居酒屋，中午食飯時間一定多人，好彩其中一位同事一早閃咗出去等位，仲影埋張餐牌俾我哋揀嘢食，預先落定order，我哋兩個後上的一去到就有位有得食。Yeah!總共叫咗一個【泡菜炒千葉黑豚肉】和兩個【原條原條炭火燒鰻魚飯】定食share食。有白飯、麵豉湯和蒸蛋跟餐。先講個豚肉餐。其實，啲豬肉係咪來自日本千葉係無人知的，又或者是來自某某大陸地方so called “千葉” 都唔出奇。姑勿論佢個產地來源是來自何方，但個重點係佢要整得好食。寫咁多，其實都係想講佢係真好食啫! 又香又爽又有鑊氣。至於個鰻魚set就真係要 “哇” 一聲，好大條鰻魚! 好肥美，又軟熟，入口即刻在口腔內溶化。雖然佢大條，但若果再來三多條，我哋應該都可以處理得到。