鳥森 (已結業)

SOGO最近有感謝祭，所以就同咗男朋友去銅鑼灣行街。行到咁上下見有啲肚餓，我哋就去咗覓食。見到呢間鳥森嘅串燒好似好好食，所以就去咗食。------------------------------我同男朋友都係選擇困難症嘅人，所以我哋就揀咗mori set🤩🤩。------------------------------雞胸軟骨串自己本身係一個幾鍾意食雞軟骨嘅人，所以我幾鍾意食個雞胸骨串。佢呢個雞胸骨仲有少少肉，可以食到兩種唔同嘅口感。😆😆雞頸肉串呢個雞頸肉串真係好好食，啲肉質好軟冧冧，仲有雞嘅油脂味，簡直一流。😍😍惠比壽梅子雞胸一般雞胸肉都好鞋，但呢個一啲都唔鞋，咬落去仲有好多肉汁bi出嚟，出乎意外地好食。🤩🤩雞掌心串我係超級鍾意食雞腳，所以我見到呢個嘅時候好期待。食落脆卜卜咁，幾好食。🔥牛舌芯超級重牛味！仲要軟淋淋，唔會硬。仲有兩隻醬可以點嚟食。😋白布烏冬呢個烏冬同普通嘅烏冬唔同，佢真係好似一塊布咁。呢個烏冬相對地比較清淡，食完啲濃味嘅串燒，再食啲清淡少少嘅嘢真係一流。☺️☺️雞湯呢個雞湯飲落好有雞味，而且飲完之後你會個嘴唇有種黏口嘅感覺，好正。飲得出真係真材實料。😋😋---------