和牛燒肉‧純

好似鋪名所講，呢間鋪頭係專食和牛嘅，佢d牛係由日本直送，每段時間都有唔同主題，我食嗰時個主題係鹿兒島黑牛，我哋兩個嗌咗個$2080嘅A5特選鹿兒島黑牛燒肉套餐，包個和牛拼盤，前菜，刺身，沙律，海鮮釜飯，餐湯，甜品前菜係炸雞，蟹肉蒸蛋，生和牛包海膽，蒸蛋好似平平無奇，其實食落啖啖都係蟹肉好足料，和牛包海膽好鮮味，炸雞就好味但普通刺身係甜蝦同鱆虹魚，鱆虹魚食落彈牙，甜蝦好鮮甜，不過份量多d就好喇沙律係炸蘿蔔絲沙律，炸蘿蔔絲好少可食，脆卜卜咸咸地幾得意和牛拼盤：厚切西冷，牛舌，牛排肉，上牛排肉，豚腩肉，壺漬肉牛舌兩面燒一陣就食得，冇膻味又彈牙豚腩肉唔算好肥，肥瘦一半半，燒完食好香兩種牛排肉油花好靚，食落差唔多，燒完食好軟淋淋好有脂香味厚切西冷真係好厚好大塊，預先已經切咗一件件，油花係最多，燒完食係入口即溶好好味壺漬肉有d漬咗嘅秋葵，南瓜同兩片漬肉，不過略嫌咸咗d海鮮釜飯入面有好多唔同海鮮，侍應會幫手分成兩碗，個飯濕濕地黏黏地，海鮮多到每一啖都食到，湯係蔬菜湯，啖啖都係蔬菜，重洋蔥味，我個人就唔係太鍾意甜品係雪糕，我哋嗌咗芝麻同紅豆味，紅豆味雪糕出面比較少食，我就覺得特別d好食d因為d和牛油脂