依到人煙稀少又唔起眼
但最近偏偏好多新食肆進駐
引起左好多新話題
相信有潛質令依到變為一條食街
我平常係唔食快餐的
對一般加工類既肉好似腸仔火腿煙肉
更加少意慾
熱狗只會係嘉年華會或睇戲會食到
一向比我既感覺就係好隨便既包夾腸
最緊要有茄汁同芥末就咩都好食
聽聞依間熱狗店打破傳統
有好多創新口味
就趁一個空檔黎試下
依然鐘意依頭咁靜
下午時間得一枱客
店鋪唔大。有幾張枱加高椅
佢牆上面貼哂餐牌
有主要八款狗同小食
意粉飲品下午茶都有
小店黎講都算幾多選擇
1
最後我要左個蝦蝦蝦蝦餐
包狗一條。薯條或沙律。
茶或橙汁或汽水
小食多滋味
四同八吋。食個四吋先啦
橙汁原來係一罐果粒橙
凍的。仲有埋獨立包裝飲管比你。唔錯
隻狗即叫即整
顧名思義有蝦。仲有菠蘿。生菜
等左一陣店員妹妹就連埋沙律一齊送黎
第一眼見到時感覺好好。賣相精緻
冇見過咁可愛既熱狗。真係好ＫＡＷＡＩＩ
迷你版。有粒粒蝦同菠蘿係面
睇得出係用心砌的
仲有茄汁同千島醬互相交錯
靚！
趁熱食
蝦夠爽同彈牙。夠精剔透
菠蘿加強左酸度。又令到成個包ＪＵＩＣＹ左
同千島醬好夾
不過覺得唔太夠味。
都係要自己落芥末
入面既腸仔都好食。
個皮夠脆身
咁多料加埋都唔覺膩
包就即烘起。
熱住食。皮又微脆。好不錯
為左冇咁內疚，要左沙律唔要薯條
唔好以為主打ＨＯＴＤＯＧ
佢個ＳＡＬＡＤ冇交行貨！
仲出奇地有水準
有新鮮生菜，細茄，紫洋蔥同兩片青瓜
最有驚喜係兩片青瓜，唔係普通
係兩條長身既條狀
奇酸！！應該係特別處理過既味道
即刻開胃哂
又爽又鮮既菜有自家黑醋汁，已經好讚喇
鐘意食到對食物既認真
雖然係ＦＡＳＴ ＦＯＯＤ
但慢工出細貨，好！
