Cafe Le Bleu (已結業)

幾朝都係食西式早餐，就係想睇下有邊度拍得住beanstalk。以前在呢度附近工作，成日下來飲咖啡，轉左工作地點以後都少來了。今朝約番以前的工作拍檔來食個早，順便傾下有咩大計。八點幾，得一個鬼佬客。木檯木，加埋播著的法文歌，算是幾閒逸的環境。我們坐在靠窗的二人位，透過落地大玻璃看著外邊的行人及車，環境不錯。我是叫吃開的例牌早餐，即煙肉煎蛋茄汁豆加烘bagel，齋啡，而拍檔亦是麥片加果占多士，熱咖啡。我叫的早餐是幾大份的，bagel大大個，烘一烘熱辣辣，加上蛋及茄汁豆，吃完是很飽很滿足；拍檔的多士加麥片應談不上好吃，說是健康錯不了。熱咖啡比昨天的綠田園好，但又比不上beanstalk，始終也找不到好過那裡的。埋單45蚊，唔算平，但好坐，都食得過的。