Cafe Le Bleu (已結業)

成日經過都比個肥婆(轉轉公仔)吸引, 今日終於入去食lunch~店舖雖小, 五臟俱全~ 坐低有好舒服既感覺...先黎左個洋蔥湯, 好清甜, 主菜鴨胸(芒果汁)配飯+沙律, 鴨胸已切件, 十分細心, 白飯軟硬適中, 夠飯味, 但係....咸既....以為自己味覺有問題, 請同事一試, ....都係咸既...但係又咸得幾好味喎....問問侍應, 侍應話的確係落左salt, 因為會易入口d, 其實我唔係太明點解會易入口, 但覺得係好食就得啦...咖啡同想像中分別不大....會再黎試多次~

之前經過無數次，都未試過，今日食完taco loco再去glace，所以唔想行返轉頭去上環cafe aroma (beanstalk)，叫咗cappuccino，好水，好一般真係自從ashley road間my coffee執咗之後，得番間aroma既咖啡係掂

幾朝都係食西式早餐，就係想睇下有邊度拍得住beanstalk。以前在呢度附近工作，成日下來飲咖啡，轉左工作地點以後都少來了。今朝約番以前的工作拍檔來食個早，順便傾下有咩大計。八點幾，得一個鬼佬客。木檯木，加埋播著的法文歌，算是幾閒逸的環境。我們坐在靠窗的二人位，透過落地大玻璃看著外邊的行人及車，環境不錯。我是叫吃開的例牌早餐，即煙肉煎蛋茄汁豆加烘bagel，齋啡，而拍檔亦是麥片加果占多士，熱咖啡。我叫的早餐是幾大份的，bagel大大個，烘一烘熱辣辣，加上蛋及茄汁豆，吃完是很飽很滿足；拍檔的多士加麥片應談不上好吃，說是健康錯不了。熱咖啡比昨天的綠田園好，但又比不上beanstalk，始終也找不到好過那裡的。埋單45蚊，唔算平，但好坐，都食得過的。

唔知大家有冇留意,佢門口係有個著泳衣0既女人公仔,0係上面的,會轉的,我覺得好搞笑,個公仔個樣好滑稽,動作似跳芭蕾舞,所以有次吸引0左我同媽咪去食.佢d咖啡都ok0既,但我媽媽一飲,就話係中環奧林匹克咖啡店批發的,因為屋企都係同呢間買咖啡飲.所以,我媽咪覺得几哂錢,因為出面飲的同屋企飲的一樣.而我媽咪就好鐘意delifrance 0既cafe,佢話好香濃喎,隻咖啡豆都好味~唔係佢買開0個隻牌子囉~!

有時會黎呢度食早餐,價錢唔平,每份大概$25-30度...我只會食蘑菇奄列,配埋兩塊toasts. 野食即叫即整,一路等食時會聞到炒蛋味,味道okay, 咖啡都so-so啦...不過呢間cafe好"的式",全部都係二人枱...有次我同媽咪家姐一齊黎食,竟然要前後位坐...不過我媽咪就幾滿意佢o既煙肉,因為且煎乾晒d油,好香脆...通常幫趁o既都係鬼佬鬼婆多...

這裡的裝修幾得意，好多野都同船有關，看來呢度老闆都幾鍾意出海。得閒「蛇」上來嘆杯Latte食件blueberry cheese cake，望住出面匆匆往來的人，一樂也。Tea set 任何餅類併咖啡或茶30蚊，唔係平但有時唔計較得咁多。

今晚上o左去樓上同名o既餐廳食Dinner, 上到去見到間餐廳唔大, 只係有20-25 個位左右, 但環境唔錯, 幾舒服!食物我地叫o左一碟白酒煮海鮮意粉, 清清地可以食到海鮮o既鮮味, 正. 食得出佢地用o既材料幾新鮮, 但就唔多夠喉, 份量大D 就好啦!跟住就叫o左個黑草汁鴨胸, 呢樣就OK 啦唔算十分好食, 但值得一讚o既係伴碟o既薯仔, 皮脆肉甜, 非常好食, 真係多多都唔夠!食完兩個都唔係幾夠, 咁就試o左佢地o既雞肝多士, 個人對內臟冇乜特喜好, 但都接受到. 食落有少少地辣, OK!飲品我地叫o左一杯Iced Cappuccino 同一杯Spog, Spog 係一杯雜錦生果汁, 有士多啤梨, 橙, 菠蘿等, 幾好飲.埋單2 個人食o左$370, 一般啦, 會有下次o既!

全店最正是主打的咖啡。我曾看過一本介紹世界各地咖啡店的書上寫著: 「咖啡店的食物太出色對咖啡店的咖啡是一種威脅」, 很有趣的一番話，不過我覺得上環永樂街的Cafe Beanstalk 咖啡水準比這裡還要好, 真的值得一試!

咁香港咁人多, 服務員難免做到燥架啦. 我上次看完Ryan 介紹後就到這cafe 一躺, 平日的二時就冇人, 嘆咖啡就超正啦. 不過後來我經過好多次都見有好多人, 地方本就不大, 加上咁多人我真係冇, 心情入去坐! 食物一般, 但海邊咖啡真係唔錯. 嗯不過我都鐘意上環樂趣多點!

昨天在吃午一入到店內, 座位也未找, 店員便問你吃A 孺wB 好有趕客的感覺$48 一個Set Lunch, 有湯, 有珍寶腸配意粉或沙律及咖啡, 價錢合理, 但老實說, 除了咖啡是水準之作外, 其餘的都好難吃.. 還有, 那個員工見我稍稍停口, 便即刻收了我的食物, 真是趕客 我個人推介上環永樂街的, 咖啡和窩夫都超正, 而且老闆好好人.

這間咖啡店舖仔細細, 但食物質素真的不俗, 海邊咖啡( 不記得是海邊還是海景) 幾正, 三文治也不俗. 而且店員亦親切有禮