一遊

營業中

休息中

兩年半前幾個朋友一齊自由行去到大阪，京都，奈良，跟住跟住就冇得去旅行啦。今日約埋朋友來到尖沙咀嘅諾士佛臺1號呢間勁有京都feel又略帶豪華版嘅"一遊"重溫 日本風情感覺。嗌咗以下食品大家再細味回想當日。“玉子燒”係我食過最好味嘅一次，玉子燒面仲有“一遊”個logo，幾有心思。侍應話淋啲豉油喺蘿蔔絲度，跟住再擺喺個玉子燒上邊，果然唔錯，蛋味濃郁又夠嫩滑，趁熱食咗佢就最好味啦。“蟹肉滑蛋豆腐煮配刺身三點”蟹肉溶入湯中令到個豆腐煮好鮮味，豆腐都滑捋捋。刺身有三文魚，帶子同另一種魚刺身，每樣都有2件，好似變左六點咁。“雜拼壽司定食配蕎麥麵”有六件壽司加4件卷物，有omakase異曲同工之味，而确實呢間舖夜晚係有做omakase嘅，因此我第二次食到平時少食到嘅魴鮄魚，好清甜，而其他三文魚，吞拿魚等亦好新鮮。值得一提嘅仲有呢味"葱味炸雞"，有中式，日式fusion之感覺，零舍特別好味。