甘永泰魚蛋 (已結業)

14.11.08 (Fri) 晴第二（食）站，就係個個都話正嘅魚蛋，想咩都試下，魚蛋、魚片、蝦餅、蝦丸每樣都要兩粒/件，買咗＄２０。（講完一論阿姐先俾我地咩都買少少）買完之後行多幾步去隔離店阿姐幫我地『炸』。當我見到魚片係厚切真係口水都流埋。我地坐喺店前面ｄ凳，好多flies，不過唔想企住食都冇計。- 魚蛋：最正，真係好鮮，鍾意佢彈得黎好juicy嘅感覺。- 魚片：厚切口感非常好，都juicy，但冇魚蛋咁鮮魚味。- 蝦餅：甜蝦味，蝦餅都幾厚，好食。- 蝦丸：冇蝦餅咁juicy同甜。總結：魚蛋、蝦餅最好食。p.s. 通常食完呢ｄ丸係會覺得好咸，但完全冇呢個感覺，果然係新鮮！