瘋鳥 (已結業)

長沙灣有好多小店，間間都有唔同特色，今次試左間坐得舒服、店員又nice既咖啡店，值得推薦比大家~講緊既就係瘋鳥，位於長沙灣順寧道65號地舖，環境相當闊落，靜靜地傾下計都唔錯。煙肉大啡菇牛肉漢堡配美國薯條份量十足既漢堡一上枱勁吸晴，大啡菇菇味濃郁，煙肉香脆惹味，厚切牛肉漢堡啖啖肉且肉汁豐厚，漢堡包鬆軟富彈性，薯條熱辣辣好鬆脆。牛油果醬煙三文魚法包法包烘得剛好，柔軟好有麥香，煙三文魚肥美豐滿，配以柔滑牛油果醬提升味道層次。伴碟沙律菜新鮮爽脆好清新。英式芥末烤牛脷牛脷口感軟嫩富彈性，配味道鮮明英式芥末醬，好有驚喜。洋金菊茶清新易入口，有助放鬆心情、舒解壓力。芒果蜜桃茶清甜解渴又好飲~