炑八韓烤 (金巴利中心) (已結業)

今日突然落大雨，接咗老公收工之後就喺附近搵食，聞到好大浸韓燒味，所以就吸引咗我哋啦。揀咗佢厚切帶骨肉眼扒套餐，另外再叫咗兩款特飲。甜蜜芒果梳打同埋西瓜梳打。個套餐都有唔同類型嘅燒肉，每款肉都已經醃咗味，所以就是燒完之後唔點醬都有味。厚切肉眼扒見到咁大塊其實都有啲擔心唔知點燒，因為最怕就係出邊燒lon咗，但係入邊唔熟。當我哋少整呢塊肉眼扒嘅時候，好在職員主動上前幫我哋燒，佢亦都好耐心咁燒，燒出嚟效果好唔錯，如果自己燒一定笑唔到咁好。另外仲有呢啲免費嘅前菜，都係可以再加嘅，除咗個沙律唔可以再加。個沙律呢就係用一啲有柚子味嘅胡麻醬，酸酸甜甜幾特別。除咗個西瓜梳打有啲似藥水味之外，其他食物全部都過得去嘅。另外特別就係幫啲燒肉嘅職員值得一讚，服務好又好禮貌。