95
9
3
港鐵尖沙咀/尖東站 B1 出口, 步行約5分鐘 繼續閱讀
所有分店 (17)
電話號碼
24933233
開飯介紹
人氣韓國燒烤店,招牌為燒韓牛,當中以肩胛肉及護心肉最為推薦。 繼續閱讀
營業時間
今日營業
11:30 - 16:30
17:30 - 22:00
星期一至日
11:30 - 16:30
17:30 - 22:00
付款方式
Visa Master AlipayHK 支付寶 現金 銀聯 Apple Pay Google Pay
其他資料
網上訂座
賞訂座積分
加一服務費
當面支付
有關獎賞計劃
食評 (116)
上網見餐廳最近有個套餐幾吸引,Cheer Up! 燒肉套餐 $488,有各款燒肉同埋韓式豬手,就帶埋屋企人黎到尖沙嘴分店試一試☺️環境很闊落,坐位很多落完單店員就送上韓式開胃前菜,有泡菜、涼拌海帶芽、醃蘿蔔片等等,呢幾款同生菜都可以不停添加😋仲有一份芝麻醬沙律,新鮮脆口,非常開胃店員隨後在鍋邊倒上蛋漿和泡菜,另一邊加上芝士和粟米,一樣可以無限添加,淨係食前菜都少少飽Cheer Up! 燒肉套餐 $488 8/10套餐包左特級牛肋骨、雞爽肉 、秘製韓式醬油豬五花、貝身肉、大紅蝦、梅花肉、大八爪魚和韓式豬手(半份)韓式豬手半份都相當多,配有青瓜、生菜、蒜頭,傳統就用生菜包住配菜同豬手一齊食,啖啖肉,骨膠原幾重,切得比較薄,不過整體味道清爽唔膩🤤特級牛肋肉好吸引牛肉😍色澤紅潤,上面油花同油脂均勻分佈,長長牛肋排,沒有太多調味,牛味最明顯,肉質好軟腍,近骨位置既肉仲好有嚼勁醬油豬五花醬汁醃得好好味,油脂豐富,燒至香脆就用剪刀剪成一口size,用生菜包住食減低油膩感同罪惡感🙈口感軟嫩,非常入味大蝦肉質新鮮,已去除蝦腸,食得放心,貝身肉有兩片,油花豐富👍🏻燒數10秒就可以翻轉,非常香嫩,愈食愈有牛味,八爪魚相當肥美,梅花肉都好柔嫩好味,份量兩人食真係岩岩好,唔會浪費,又食到飽一飽😋 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-22
275 瀏覽
新年伊始,第一次出街吃飯,被朋友告知要吃韓燒,皆因他最近煲韓劇看到主角吃得多了,他也想吃,認真搞笑。朋友未吃過炑八,我就之前只吃過他們的抵食下午茶,印象幾好,而且在門口看到還有什麼午市特惠一人燒烤套餐的宣傳牌,沒多想就進去了。但是入座後問起才被告知,是日屬於春節期間,那些優惠套餐都沒有供應。好吧,不是不明白紅日多數會沒有優惠,但既然沒有,是不是這幾天就不應該將那麼明顯的宣傳牌擺在門口了呢,或者在上面貼張紙提示下暫停供應日期也行啊,如此讓客人入座後發現餐牌不對而提問才告知,整個感覺差了很多啊。結果我們點了一個 HKD 488 的“Cheer up 2021 燒肉套餐”。前菜、醬料什麼的很快就上桌了,滿滿地擺起來,泡菜、芽菜、酸蘿蔔、醬蘿蔔,感覺還挺豐富,味道也不錯,解膩一流。爐邊蛋和芝士玉米也都陸續上爐了。然後服務生拿來兩碗海帶湯,放下一碗,帶著另外一碗回頭就走了,我們滿頭霧水,以為有什麼問題,等了一下沒了下文,沒繼續送湯,也沒人來解釋說或許送錯,我們再等了一陣就自己找人來問,服務生“咦”了一下,然後再回去拿了一碗湯出來,依舊沒有解釋也沒有抱歉,所以到底是怎樣,我們仍是一頭霧水。燒肉套餐包括特級牛肋骨、雞爽肉、秘製醬油豬五花、貝身肉、大紅蝦、伊比利亞豬梅花肉和大八爪魚。肉肉都很好吃,調味也適當;牛肉的味道濃厚;雞肉爽彈;八爪魚鮮嫩;但蝦只有一隻,兩人用餐還需互相謙讓或是一人一半。燒肉套餐還包括韓式豬手(半份),豬皮彈牙,豬肉精瘦,吃起來絲毫沒有油膩感,再多吃點也沒有罪惡感。但等候豬手上桌的過程太漫長,朋友一來大食二來等不及,就再叫了個午市的飯餐來吃著等。特級芝士泡菜豬肉飯,看起來材料很豐富,拌勻後試了一口,有點太濕潤了,感覺底下的鐵板似乎並沒有加熱的功能。燒肉套餐不包餐飲,需要散叫。總結,炑八的食物是好吃的,但這家的服務是有待提升的,小小的店面,客人不多,我們點的東西也不多,但是上菜很~慢~,幾乎上了什麼還差什麼都不知道。燒烤也是需要時間的,但每次都要我們在自己快燒完一碟的時候再提醒他們是不是還有什麼東西未上。。。然後服務生才去查。。。如此這般,給客人觀感不優。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-29
29 瀏覽
星期六返工都要食好啲,聽同事的推薦來到炑八吃他們口中好抵食的$28午餐。尖沙咀分店不大,不過卡座設計也寬敞,坐得舒適。不過來到才知道,原來$28是下午茶,不是午餐。那只好點午市定食,不過午餐也介乎$50至$80之間,樣子十分豐富,已包括了餐湯、前菜。前菜我選了泡菜,份量很多,牛肉湯也熱辣辣,幾好飲。同事們點了雞扒蛋包飯,我則點了泡菜豬肉蛋包飯。上枱一刻有點嚇呆,因為好大份,而且個樣一啲都唔馬虎。但是流心的半溶狀態,十分誘人。雞扒飯有超厚的三大塊雞扒,完全想不到這麼落本!我的泡菜豬肉也有很多泡菜和豬肉,豬肉的味道很好,肥瘦相間,但入口一點也不油膩。加上微辣帶酸的橙色泡菜,撈埋個蛋飯,簡直一流。同事給了我一塊雞扒,肉質也嫩,幾好食!我們幾個都食唔完個飯,因為份量真是太多。如果細食的,真的要要求小飯。想不到午市這個價錢,食到這麼有質素的韓式飯定食,真是覺得超值。過去幾個月因為疫情,很多食肆生意都不好,要減價促銷。這家的出品真的大大力推薦,一定要encore! 繼續閱讀
(以上食評乃用戶個人意見 , 並不代表OpenRice之觀點。)
天氣凍,最岩打邊爐或者食韓燒,今日LUNCH揀左炑八韓烤,見到新年燒肉套餐好吸引,午市都有供應!兩款新年套餐仲附送韓式豬手,啖啖肉,正~炑八韓烤提供即棄圍裙、口罩套、濕紙巾等,點餐後奉上各款韓式前菜,有芽菜、泡菜、醃蘿蔔等,仲有包住烤肉黎食既生菜、蒜片,以上均可免費refill;另有新鮮爽脆沙律。惹味泡菜爐邊蛋同香濃芝士粟米都可以任添今日揀左Hanwoo Here! 燒肉套餐包厚切黑毛和牛、醬油霜降牛小排、大蔥牛舌、韓牛前胸肉、鰻魚、墨魚,另套餐附送韓式豬手(全份)。厚切黑毛和牛牛味濃郁,口感豐盈柔嫩,肉質香醇富含肉汁,脂香四溢。醬油霜降牛小排油花分布細緻均勻,鮮甜多汁,口感軟嫩中略帶緊實,富嚼勁。大蔥牛舌軟脆爽口,獨有口感非常鮮嫩。韓牛前胸肉脂肪分佈均勻,肉味濃郁,軟腍有油花,質感爽脆帶甜味。墨魚飽滿肥厚,咬落彈牙爽滑,好鮮味!鰻魚來自韓國釜山,外皮烤得微焦,質感爽脆Q彈有嚼勁,令人回味。韓式豬手熱食菜式,口感煙煙韌韌,味道鹹香肉質軟嫩,無油膩感,食落啖啖肉富含豐富膠原蛋白質,正! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-19
194 瀏覽
因為屋企冇暖爐,感覺WFH喺屋企嘅日子仲凍過返工,而天氣凍除左打邊爐仲可以食韓燒,所以WFH lunch就近近地黎炑八食個韓燒。炑八全部係四人卡位,因為而家只可以二人一枱,所以坐得特別鬆動舒服。除左濕紙巾,仲有圍裙同口罩套提供,非常貼心。三格調味碟分別係豉油、鹽同韓式辣醬。雖然未點菜,但侍應姐姐已經送左五式前菜、沙律同用黎包住烤肉嘅蔬菜黎,唔夠食全部都可以免費refill,我特別鍾意個醃蘿蔔條,爽脆得黎酸酸地又開胃。烤爐一邊放左泡菜爐邊蛋,另一邊就係芝士粟米,兩樣我都鍾意食,所以兩款都有再encore。爐邊蛋我唔鍾意食太熟,燒到半生熟咁食就最正~!!芝士粟米有拉絲,唔會太硬。春日燒烤套餐Hanwoo Here($658) - 哩款套餐包左四款唔同嘅肉,另外仲有鰻魚、墨魚同韓式豬手,再加埋任食前菜同爐邊蛋,其實就算三四個人都夠食。黑毛和牛 -  雪花紋都幾平均,燒到一邊出血水就反轉另一邊燒就啱啱好,肉質好腍好滑但食落冇日本和牛咁油,唔鍾意食到成口油嘅朋友就最啱。醬油霜降牛小排 - 同黑毛和牛一樣雪花紋好平均,但就薄身少少,口感比較彈口。大蔥牛舌 - 雖然牛舌唔係居酒屋嗰種厚切牛舌,但食落都幾彈口同幾滑,唔錯唔錯。韓牛前胸肉 - 脂肪冇和牛同牛小排咁多,同埋因為比較大塊同厚身,所以要燒得耐少少,燒到六七成熟就可以用較剪剪成小塊再燒多陣就食得。因為脂肪唔多,所以肉質冇咁腍,燒到七八成熟仲有少少紅就可以夾起,唔係會太硬,入口牛味會比較重。墨魚 - 雖然墨魚只佔左烤肉拼盤嘅一角,但撻開原來都幾多,厚身得黎又唔會好韌,辣辣地幾惹味。鰻魚 - 鰻魚幾厚身,啖啖肉冇碎骨,如果怕腥可以加少少檸檬汁。韓式豬手 - 豬手已經整熟左,可以就咁食,肉質都幾腍唔會太鞋,不過佢係凍食,如果鍾意暖暖地可以燒一燒佢先食都可以。總結,哩個春日燒烤套餐可以一次過試幾款唔同嘅肉,全部口感同味道都唔錯,加埋個豬手三四個人都夠食,除返開一啲都唔貴,佢另外仲有個套餐平兩舊水,烤肉款式有少少唔同,同埋豬手得半份,如果兩個人食唔倒咁多點哩個平啲嘅套餐就啱。 繼續閱讀
(以上食評乃用戶個人意見 , 並不代表OpenRice之觀點。)