馬泰

營業中

休息中

我發覺自己都幾鍾意食泰國菜😎 做做下嘢會無啦啦想食炒金邊粉，所以放工就嚟咗呢間泰國餐廳dinner🤣唔使睇餐牌，我都決定咗叫泰式炒金邊粉🤪 佢賣相好吸引，用一個鑊仔裝住，加添一點街頭風味🤣 不過近排比較熱氣，就唔落辣椒啦🙊 但落咗青檸，即時提升味道，酸酸甜甜，非常開胃😆 朋友就叫咗正常嘅海南雞飯。我都有試咗啲雞，好滑～ 配埋d醬汁食就好好味😋 原來有人唔鍾意食甜豉油🙊 好有趣，我會記住你既喜好😛😛我哋驚唔夠食，所以叫多個小食：炭燒魷魚配秘製辣汁😎 燒得好香口😋 好彩辣汁係分開上，唔食辣嘅人都OK👌🏻最後叫埋兩杯嘢飲：熱鹹檸蜜同龍眼冰😎 我地食到攬住個肚，價錢唔貴，性價比高😬😬