影片
更多
2009-05-02
11 瀏覽
前晚(30-4-2009 Thur)想出街去海鮮站食海鮮,如果只同男友食,兩個人食唔到咩,於是約人食飯,男友提議約女友人H同佢老公J,於是約佢o地,但因佢o地放o左工要o係旺角買o野,所以唔想去尖沙咀,就提議o黎呢間.啊,好吖.我同男友o係7:55pm到o黎,由於男友老闆都o黎同J傾啲o野,所以我o地要5個位,但o岩o岩只有平排位,咁我o地都坐住先啦.但光坐唔係幾好,於是都叫啲小食,叫o左個$33.00o既脆薯角拌巨峰提子乳酪先.o黎到,薯角唔多,薯角都好熱同算脆,而巨峰提子乳酪好有提子香味,可惜食就唔夠味,不過佢都係滑o既.我o地寧願蘸放o係枱上o既青瓜汁同和風沙律醬o黎食.而乳酪就咁食.拌碟o既椰菜絲(即千切),都幾新鮮,我o地都係加o個兩隻o黎食.青瓜汁好有青瓜o既清新味道,而和風沙律醬,男友話有少少wasabi味.味道: 2分我o地o係等o既時候,見卡位有人走,就要求調枱,高級o既女職員話,如果五個人坐會迫,因為o個啲係四人位,但又於平排坐真係唔方便,所以男友都要求,咁佢都肯畀我o地調.我o地調o左枱,就依然係等,至8:15pm,女友人H同佢老公J到o黎喇,我o地先點o野食,H
我同男友o係7:55pm到o黎,由於男友老闆都o黎同J傾啲o野,所以我o地要5個位,但o岩o岩只有平排位,咁我o地都坐住先啦.
但光坐唔係幾好,於是都叫啲小食,叫o左個$33.00o既脆薯角拌巨峰提子乳酪先.o黎到,薯角唔多,薯角都好熱同算脆,而巨峰提子乳酪好有提子香味,可惜食就唔夠味,不過佢都係滑o既.我o地寧願蘸放o係枱上o既青瓜汁同和風沙律醬o黎食.而乳酪就咁食.拌碟o既椰菜絲(即千切),都幾新鮮,我o地都係加o個兩隻o黎食.青瓜汁好有青瓜o既清新味道,而和風沙律醬,男友話有少少wasabi味.
味道: 2分
我o地o係等o既時候,見卡位有人走,就要求調枱,高級o既女職員話,如果五個人坐會迫,因為o個啲係四人位,但又於平排坐真係唔方便,所以男友都要求,咁佢都肯畀我o地調.
我o地調o左枱,就依然係等,至8:15pm,女友人H同佢老公J到o黎喇,我o地先點o野食,H早己睇中人氣第一位$148.00o既吉列千層黑豚定食芝士味,有一件140g o既吉列千層黑豚,椰菜絲,前菜,白飯一碗同麵豉湯.咁我就揀人氣第二位$88.00o既吉列黑豚漢堡定食,包括每件50g o既吉列黑豚漢堡共兩件,其他o既同前面o個個一樣.所有套餐o既白飯同椰菜絲都係任食.
侍應會問我o地椰菜要角切(切件)定千切,我o地揀o左後者.落單後,話要等15分鐘,OK.
兩個餐一齊到o黎,侍應都教我o地,將枱上o既用秘製醬汁(加入新鮮生果同野菜研製而成)一’殼’,加入已磨碎o既芝麻,食黑豚時蘸上o黎食.而兩種沙律汁就係蘸椰菜絲食.
影完相就開餐喇!我先試豆腐,唔算太滑,味道可以.麵豉湯都係中規中矩.之後就食半件吉列黑豚漢堡,呢個我食唔出有咩特別,不過佢鬆軟同唔太油,OK.白飯都OK,加醬汁食就好食好多.
味道: 3.1分
而芝士吉列千層黑豚定食,芝士唔太多,黑豚肉真係有幾層,幾厚,令口感出豐富o左,佢同吉列黑豚漢堡一樣咁鬆軟,我覺得呢個係好味啲.
味道: 3.2分
大約9:00pm,男友老闆o黎到,我同男友同佢三個就迫埋o係一邊o既卡位,到10:00pm佢傾完就先離開,我o地就叫埋甜品.但J同我男友原來一樣,都對好似是而$38.00o既凍蒸蛋有興趣,於是佢o地都分別叫o左一個,而H就叫o左炭燒咖啡果凍同宇治抺茶杏仁奶凍,我就叫個女峰草莓奶凍,呢三樣都係$28.00.
不久,幾樣o野一齊到o黎,男友o既凍蒸蛋真係好凍,因為要雪o既,食落,凍蒸蛋味道反而更出,蛋都滑o既,內裡有日式魚蛋,冬菇同蟹柳,都食到各樣o野o既味道.而個個都讚呢個.
味道: 3.5分
我o既女峰草莓奶凍又話係人氣,食食先,草莓味道就如佢顏色一樣,淡淡的,唔漏.但我覺得佢唔夠凍,凍啲應該好食啲.
味道: 3分
我冇試亦冇問H同J o個兩個甜品味道,不過佢o地都冇講咩評語,應該冇問題o掛.
服務:
我o地四個人係share兩個餐食,開頭我同男友食脆薯時,佢o地好醒目咁畀兩隻碟仔我o地,但捧兩個餐o黎時,就冇畀多兩個碟仔H同J,問o左佢o地兩次至畀到.
侍應只不停斟水唔執o野,奇.
其他:
Menu好精美,有教客人點用啲醬汁.
任食椰菜絲同白飯原來係套餐數目同人數相同至供應,簡單o黎講,即係每個人都要叫一個套餐,否則冇得任食.
呢樣o野我覺得唔係幾合理,第一,Menu上唔寫明.第二,如果o個枱客有小朋友,咁點計?第三,我o地的而且確有叫套餐,最多佢畀一,兩轉我o地囉.
男友覺得攪到我o地好似乞丐咁.
埋單$472.00
$118.00(dinner)
張貼
