匠山

營業中

休息中

馬鞍山嘅日式小店，和風裝潢，每星期都會有唔同時令嘅海產飛機魚，而且呢度仲有Sake同生啤供應！👉🏻鵝肝特盛丼 呢個係期間限定，非常吸引，兩大件鵝肝，豐腴綿密，入口即化；火炙三文魚腩，油脂滿滿；左口魚裙邊，入口即化；甜蝦鮮甜彈牙；三文魚籽爆漿，味道層次豐富！可以自選多飯或少飯！ 👉🏻軟殼蟹米紙卷 共六件，又好有特色，米紙捲皮薄透Q彈，炸軟殼蟹酥脆，配埋青瓜等非常清新開胃！👉🏻燒油甘魚鮫 大大件，表面微焦，皮脆肉嫩，擠上檸檬汁更顯鮮美，肉質唔乾身，骨邊肉尤其嫩滑！👉🏻厚切油甘魚刺身 真係每片都好厚身，入口creamy又新鮮！ 👉🏻燒墨魚餅 共三件，好香口，內餡墨魚漿混雜細碎墨魚肉，入口無油膩感，讚！👉🏻益力多蘆薈梳打 酸甜清爽，有氣泡，蘆薈果肉增添咀嚼感，甜度適中！