影片
港鐵馬鞍山站 B 出口
繼續閱讀
電話號碼
26680380
開飯介紹
氣氛溫馨、菜品多元化，定價相宜的日式餐廳，刺身、拉麵、燒物等也有供應，是家庭、好友聚餐的好選擇。
繼續閱讀
營業時間
今日營業
12:00 - 15:30
18:00 - 22:00
星期一
全日休息
星期二至五
12:00 - 15:30
18:00 - 22:00
星期六至日
12:00 - 16:00
18:00 - 22:00
公眾假期
12:00 - 16:00
18:00 - 22:00
以上資料只供參考, 請與餐廳確認詳情
有關獎賞計劃
去咗馬鞍山新港城探朋友，朋友話街坊狂推嘅一間日式小店「匠山」，好味又抵食，叫埋我一齊去。午市時間非常受歡迎，見到店長都會同食客閒談幾句，睇嚟真係好受街坊捧場。就算係週末，匠山亦都有午市定食，價錢上真係夠晒親民。◐ 1. 壽司定食配烏冬呢個set真係抵食到喊！六件壽司樣樣厚切，有三文魚、吞拿魚、油甘魚、帆立貝、北寄貝同三文魚籽壽司。每款壽司都非常新鮮，夠晒鮮味！跟餐嘅烏冬亦都非常好食，湯底同烏冬嘅軟硬度做得一流，完全係遠高於預期水準，超級推介。◐ 2. 蒲燒鰻魚飯定食一上枱就聞到炭燒香！鰻魚又厚又大塊，外皮燒到脆卜卜，咬落去「咔嚓」一聲，鰻魚肉仲keep住嫩滑，啲秘製醬汁甜得嚟帶啲山椒香，送飯一流！◐ 3. 左口魚裙邊火炙壽司、三文魚壽司、油甘魚壽司匠山嘅壽司做得咁出色，真係要額外追加多幾件。匠山做嘅左口魚裙邊壽司真係一試難忘！魚邊炙到半溶狀態，入口即化仲有陣焦糖堅果香，個口感似食緊魚油cream咁滑，咬口感完全同出邊嘅壽司店唔同！再返兜三文魚同油甘魚壽司，食過返尋味。◐ 4. 炸雞軟骨最後再叫份炸雞軟骨爽一爽，日式小食無得輸。平心而論，匠山未必有高級omakase嘅排場，但勝在夠「貼地」——刺身新鮮、份量足料、價錢親民，知道餐廳逢星期五會有日本直送嘅刺身魚，已經約定下次同朋友搵個星期五過嚟一路飲Sake ，一路食刺身了～
繼續閱讀
今日入左馬鞍山朋友帶左我去一間日式小店位置係新港城中心的內街係一間好親民既街坊小店店內裝修好日式風格好似日本d家庭式小店咁俾人感覺得舒服價錢親民 沒有加一服務費 就連生日都特別豁免切餅費餐牌除左好多刺身壽司和定食飯類仲有Sake和同區少有的生啤廚師精選定期有好多吸引菜式逢星期五有日本直送嘅刺身魚限量供應 //厚切吞拿魚刺身(4片) $58////厚切油甘魚刺身(4片) $60////劍魚腩壽司(2件) $40// 每片刺身都勁厚切大師級的刀工切得好靚吞拿魚的滑嫩鮮味口感油甘魚的油香劍魚腩最正 入口好爽口肉質厚實 口感肥美嫩滑 //鹽燒牛舌(2串) $88//灑上了鹽來燒令牛舌的香氣更濃烈加上入口有濃郁的牛舌味令人津津樂道 //燒油甘魚鮫 $89//呢個油甘魚鮫夠大份兩個人食飽晒魚皮燒至焦香微脆魚肉入口新鮮 仍然保持鮮嫩而且魚油惹味 令口感完全無腥味加上蘿蔔蓉同醋調味 將味道更昇華 //牛油果三文魚米紙卷(6件) $82//這個米紙卷很特別擺盤似日式壽司 但沒有醋飯用了米紙卷著牛油果和三文魚有點像越式的菜式 餡料豐富食落好鮮味 好清新 好開胃 //咖哩吉列豬扒飯 $88//層吉列外衣脆感十足豬扒豚味濃厚 口感軟嫩配上傳統日式咖哩磚的香味撲鼻入口是甜而不辣 送飯一流
繼續閱讀
喺馬鞍山MOSTown行街，發現呢間隱藏喺商場地下嘅「匠山」，主打每日新鮮日本飛機貨直送！今次試咗8款菜，果然有驚喜～ ✨ 必食推薦▪️ 汁煮凍鮑魚 ($88) 鮑魚爽彈得嚟完全唔韌，用清酒汁慢煮超入味，冰鎮上枱保留鮮甜，抵食過連鎖店！ ▪️ 三文魚腩火炙壽司 ($48/2件) 魚油香爆炸💥！師傅輕輕炙燒表面，入口即溶嘅口感，證明貨源真係新鮮～ **🍱 其他高質之選** ▪️ 軟殼蟹米紙卷 ($88) 脆炸軟殼蟹配青瓜絲同蟹子，米紙薄到透光，調味清新好開胃！ ▪️ 照燒雞丼 ($83) 可以要求「多飯」，雞肉嫩滑唔柴，照燒汁撈飯簡直邪惡😈 ▪️ 章魚小丸子 ($59/6粒) 外脆內軟，每粒都食到大大粒章魚腳🐙 💡 小總結人均$200左右，以食材新鮮度嚟講性價比超高！特別欣賞佢哋： ✅ 壽司飯握得鬆緊適中 ✅ 可以自由調整辣度/飯量 ✅ 唔駛加一 📍 溫馨提示：每日有飛機貨special menu，記得問店員推薦～
繼續閱讀
匠山 係一間高質日式料理小店，環境乾淨企理，有少少居酒屋風格，感覺舒服。今次試咗幾款壽司同熟食，整體表現非常有驚喜。劍魚腩火炙壽司絕對係必食之選，火炙得恰到好處，油脂逼香，入口即溶，連叫兩轉都唔嫌多；吞拿魚醬油漬飯味道平衡，魚生夠新鮮，配飯份量啱啱好，唔會太重口味，食完清爽唔滯；燒油甘魚鮫同樣有水準，外皮微脆，魚肉厚身夠滑，燒得剛好，啖啖魚香。另外試咗三文魚頭，份量唔少，魚油分佈平均，啖啖肉啱晒鍾意啃魚頭嘅朋友；軟殼蟹手卷酥脆唔油膩，配海苔壽司飯一齊食好滿足；花之戀壽司賣相精緻，味道亦有層次，算係特色之作。而三文魚小卷雖然係基本款，但魚生新鮮，壽司飯握得實淨，完全唔馬虎。食材新鮮度同整體質素嚟講都對得住個價！
繼續閱讀
📍📍匠山 (馬鞍山)馬鞍山鞍誠街8號MOSTown Street新港城中心大街(3期)地下G-3/57號舖馬鞍山親民高質日式餐廳，店內裝修充滿濃厚的日本風情，提供多款食物：丼物、壽司、厚身刺身、串物、生啤，食材新鮮，價錢親民，可以提早訂枱，同朋友聚會好地方。🧊厚切三文魚刺身（4片）$58三文魚肥美嫩滑，鮮艷橙紅色，油脂豐富，每一片都厚切，大滿足🧊赤蝦刺身（2隻）$88赤蝦大隻，爽口鮮甜，表面舖上新鮮三文魚籽，賣相相當有睇頭🧊左口魚裙邊火炙壽司$48火炙燒到魚油好香，左口魚切到紋路清晰，加上秘製醬汁，yummy，表面加上蘿蔔蓉，口感清新 🧊帆立貝火炙壽司$49帆立貝大隻，味道鮮甜彈牙🧊軟骨雞肉棒$49軟骨雞肉搓成棒狀，有兩串，將蛋黃和醬油撈勻，濃郁蛋香和醬油味，中間咬到軟骨爽脆，口感特別🧊自家製溫泉蛋豬軟骨飯$95豬軟骨飯份量十足，豬軟骨煮到軟爛入味，加上旁邊沙律菜粟米和溫泉蛋蛋汁，好快食晒🍨火龍果雪葩 $48第一次食火龍果雪葩，外型打卡able, 有點似沙冰，口感特別，中間食到火龍果果籽，夏天必食🍺 三得利生啤380ml $58豐富嘅晚餐點少得啤酒，除咗生啤仲有sake 可以選擇店內侍有禮貌主動介紹餐牌，服務好好，食物大份高質，價錢親民，沒有+1服務費，逢星期五會有日本直送刺身，限量供應，下次再給約朋友去食#馬鞍山#馬鞍山美食#香港#hongkong#hkfood#hkfoodie#食好西#相機食先#手機食先#香港好去處#週末好去處#情侶好去處#閨蜜好去處#日式#串燒#生啤#刺身#甜品#日式餐廳#eating_and_working_in_h_馬鞍山
繼續閱讀