鉄火堂 (已結業)

好耐都無返鄉下🇯🇵，一直都好掛住日本嘅魚生同魚市場同壽司同......呀真係心掛掛🥺今次俾我發現呢間係尖沙咀同旺角都有分店，主打抵食刺身丼飯嘅鉄火堂係尖沙咀另外仲有間主打吞拿魚嘅外賣分店，竟然有得睇即劏原條藍鰭吞拿魚嘅表演😲😲時間可以係佢哋FB或者IG預告，仲會有FB live。呢日去到都有唔少人係窗邊駐足觀看，睇住師傅即場劏一條成99公斤（重過好多人🤣🤣）由日本空運過嚟嘅藍鰭吞拿魚，仲有師傅係側邊旁述，講解吞拿魚唔同部位同切法，真係好似去咗日本啲魚市場咁😻，我自己係日本都係專登去睇過一次咋，畫面都幾震撼，即刻有返晒日本旅行嘅感覺。師傅劏完之後仲可以將切出嚟嘅魚整成刺身同壽司，可以係舖頭立食或者外賣。拖羅壽司盛盒、赤身及中拖羅刺身一份壽司盛盒有齊赤身、中拖羅同大拖羅，另外仲有赤身同中拖羅嘅刺身，一次過試勻3種唔同感覺。每件魚生都切得好厚，過足口癮，赤身試到吞拿魚獨特嘅魚味，拖羅尤其係大拖都食到油脂香，睇住佢劏再食埋入口，呢個體驗真係幾爽😎😎人均消費：$100推介指數（10分為滿分）：7.5分