影片
更多
2020-11-12
377 瀏覽
鐵火堂我成日幫襯～🤤相信大家都對佢哋啲爆餡大拖羅丼唔陌生，一碗百零二百蚊有交易，仲有一定自由揀自己想食嘅配料，真係抵食又好味！▲尖沙咀首都廣場嘅新分店，可以睇到劏魚Show。▲新店主要以立食及外賣為主。旺角店同尖咀店我都去開，唯獨未去過尖咀首都廣場嘅新分店！前幾日終於去咗.....原來呢度隔日下午4點半，都會舉行劏魚秀！我去時剛好遇上！可以睇到師傅，即席分割足足重達78公斤嘅藍鰭吞拿魚，唔講以為自己去咗日本漁市場！▲每逢一、三、五下午，店家都有劏魚秀。▲師傅劏魚手法純熟，好快就將魚分割好。▲原條藍鰭吞拿魚稀珍嘅部位「頸拖羅」。劏魚期間，師傅又用鋸，又用刀，過程相當吃力呢！😯 切好嘅魚肉部位，兩三個師傅用人鏈方式傳去廚房，好似搬磚咁！😂身為女生嘅我應該做唔嚟，睇見都覺得累呀！▲睇Show期間，店員會向現場觀眾免費派發新鮮嘅赤身！▲新鮮嘅赤身，肉質柔軟，令人難忘。另外，店員仲會即時向觀眾免費派發新鮮嘅赤身！據店員所講，店家用嘅藍鰭吞拿魚均來自鹿兒島櫻島，朝早上機，下午到店，新鮮度爆標！無經過長時間嘅冷藏，連赤身都份外軟柔鮮甜呢！（出面壽司店成日都食到橡膠質地嘅赤身....😔）又睇又
相信大家都對佢哋啲爆餡大拖羅丼唔陌生，一碗百零二百蚊有交易，仲有一定自由揀自己想食嘅配料，真係抵食又好味！
▲尖沙咀首都廣場嘅新分店，可以睇到劏魚Show。
▲新店主要以立食及外賣為主。旺角店同尖咀店我都去開，唯獨未去過尖咀首都廣場嘅新分店！前幾日終於去咗.....原來呢度隔日下午4點半，都會舉行劏魚秀！我去時剛好遇上！可以睇到師傅，即席分割足足重達78公斤嘅藍鰭吞拿魚，唔講以為自己去咗日本漁市場！
▲每逢一、三、五下午，店家都有劏魚秀。
▲師傅劏魚手法純熟，好快就將魚分割好。
▲原條藍鰭吞拿魚稀珍嘅部位「頸拖羅」。劏魚期間，師傅又用鋸，又用刀，過程相當吃力呢！😯 切好嘅魚肉部位，兩三個師傅用人鏈方式傳去廚房，好似搬磚咁！😂身為女生嘅我應該做唔嚟，睇見都覺得累呀！
▲睇Show期間，店員會向現場觀眾免費派發新鮮嘅赤身！
▲新鮮嘅赤身，肉質柔軟，令人難忘。另外，店員仲會即時向觀眾免費派發新鮮嘅赤身！據店員所講，店家用嘅藍鰭吞拿魚均來自鹿兒島櫻島，朝早上機，下午到店，新鮮度爆標！無經過長時間嘅冷藏，連赤身都份外軟柔鮮甜呢！（出面壽司店成日都食到橡膠質地嘅赤身....😔）又睇又食，成件事幾爽YY！
▲一條魚只有少量腦天或頸拖羅，可以喺鐵火堂買到。睇完Show，大家仲可以買走刺身，其中，藍鰭吞拿魚較珍貴嘅部分，好似天腦、頸拖羅等，幾乎每次師傅切好，就會比人秒掃！無計啦，呢啲部分除咗Omakase，一般料理店都好難買到/食到！仲要價錢相對抵咁多，識食之人點會放過！
可惜首都廣場店只係設立食/外賣服務，無得坐低慢慢歎，不過就比其他分店多咗頸拖羅可試！今次我就點咗四式吞拿魚刺身＆壽司，再加大拖羅三文魚籽飯，肥就肥硬架啦，鬼叫自己為食咩！😭
自選魚生丼（大拖羅＋碎蔥吞拿魚＋三文魚籽）
$165
36 瀏覽
0 讚好
0 留言
我怕食唔落，所以簡單揀咗3款配料～我勁鍾意佢哋嘅大拖羅，肥美甘香，入口即化，簡單加點豉油，成件事好幸福！😍 同埋佢哋嘅吞拿魚係即劏即送上，所以完全無雪味，完美還原日本嘅美味！
自選魚生丼（大拖羅＋中拖羅＋赤身＋三文魚籽）
$205
18 瀏覽
0 讚好
0 留言
朋友係吞拿魚怪，佢就3種拖羅都圈晒，佢總結同我一樣，最愛大拖羅。不過佢對赤身都好高評價，因為出面食到嘅赤身，好多時都好淡，食上口好似食膠咁！呢度嘅赤身夠新鮮，所以質感好軟滑，味道一定不及中拖羅，大拖羅架啦，但有驚喜！
拖羅壽司盛合
$50
24 瀏覽
2 讚好
0 留言
呢個盛合幾抵食，有1件大拖羅壽司、1件中拖羅壽司、2件赤身壽司。嫌丼飯未夠喉，基本上加埋呢4年壽司，就會飽到DiDi。
✦ 100g刺身盛合：頸拖羅 HK$160、大拖羅 HK$130、中拖羅 HK$100、赤身 HK$60呢個我同Timbee一人一半，圖4為半份份量～點呢款係因為太想食頸拖羅！比大拖羅更肥美呢！
一咬入口，堅係入口即熔，好奇妙嘅質感！濃郁又滑嫩！好正！😍🤤❤️
不過呢款刺身食不過三，因為第一下好正，第二口已經膩膩地，第三口會feel到成咀油，有啲頂唔順～真係幾肥下，點完豉油，碟子已浮咗一層油，還是少食多滋味好了！點呢款建議多搵幾個朋友share。
P. S.我幾鍾意鐵火堂嘅飯丼，豐儉由人，好似車仔麵咁，圈自己鍾意嘅餸，然後加相應嘅價錢～！我反而唔鍾意出面啲丼，set好晒啲配料組合，自己揀就可避免浪費！另外，店家主打外賣及立食，此Post啲食物有碗盤盛載，因為我想影相，有額外向店家要求！實際現場嚟食，客人嘅食物係用外賣包裝～
【詳情】
藍鰭吞拿魚 劏魚表演
時間：逢一、三、五 下午4點半
張貼
