影片
更多
2025-06-19
162 瀏覽
週末同朋友一齊嚟咗呢間印度🇮🇳餐廳食晚餐🤣雖然去過印度🇮🇳旅行但係我對印度菜認識甚少，亦都唔識得分係唔係正宗印度菜，不過我絕對識得分好唔好食（如果有香港人話你知某某香港餐廳係正宗印度菜🇮🇳咁99.99%佢都係唔識原因點解自己諗諗）🤣Very Berry：叫咗少甜，幾清新🤣San Pellegrino：不嬲都鍾意飲呢個意大利🇮🇹牌子嘅礦泉水🤣Masala Garden Salad 印度香料花園沙律：有新鮮切片番茄、切片青瓜、印度洋葱絲、芫荽、薄荷醬 等🤣，咁個名叫 Masala 當然係落咗不同香料做嘅沙律汁啦，開胃幾好食🤣Grilled Octopus 印度烤八爪魚：八爪魚🐙用印度🇮🇳烤醃料慢烤可能咁樣所以肉質算軟熟，仲夾咗啲秋葵喺八爪魚之間，咁又清新啲啲🤣Chicken Tikka Masala 印度烤雞咖喱：呢道菜嘅起源係有啲爭議嘅因為有啲人認為係由喺英國🇬🇧嘅南亞裔廚師創造出嚟嘅菜式🤣，點都好啦依家世界各地嘅印度🇮🇳餐廳都有供應呢度菜，其實同 Butter Chicken 十分相似🤣；呢間餐廳嘅醬汁就做得好滑而味道濃郁好味🤣Garlic Coriander Naan 蒜頭芫荽饢：加
雖然去過印度🇮🇳旅行但係我對印度菜認識甚少，亦都唔識得分係唔係正宗印度菜，不過我絕對識得分好唔好食（如果有香港人話你知某某香港餐廳係正宗印度菜🇮🇳咁99.99%佢都係唔識原因點解自己諗諗）🤣
Very Berry：叫咗少甜，幾清新🤣
San Pellegrino：不嬲都鍾意飲呢個意大利🇮🇹牌子嘅礦泉水🤣
Masala Garden Salad 印度香料花園沙律：有新鮮切片番茄、切片青瓜、印度洋葱絲、芫荽、薄荷醬 等🤣，咁個名叫 Masala 當然係落咗不同香料做嘅沙律汁啦，開胃幾好食🤣
Grilled Octopus 印度烤八爪魚：八爪魚🐙用印度🇮🇳烤醃料慢烤可能咁樣所以肉質算軟熟，仲夾咗啲秋葵喺八爪魚之間，咁又清新啲啲🤣
Chicken Tikka Masala 印度烤雞咖喱：呢道菜嘅起源係有啲爭議嘅因為有啲人認為係由喺英國🇬🇧嘅南亞裔廚師創造出嚟嘅菜式🤣，點都好啦依家世界各地嘅印度🇮🇳餐廳都有供應呢度菜，其實同 Butter Chicken 十分相似🤣；呢間餐廳嘅醬汁就做得好滑而味道濃郁好味🤣
Garlic Coriander Naan 蒜頭芫荽饢：加咗蒜頭同芫荽咁又香啲，饢 煙煙韌韌幾好食，我哋仲加埋 Masala 咖喱雞汁咁樣好食啲🤣
Pistachio Burnt Basque Cheesecake 開心果印度雪糕：呢個芝士🧀蛋糕🍰滑脫脫，食到有脆脆哋嘅開心果碎，夠晒甜食得人好開心🤣
張貼
