影片
更多
2023-01-31
1727 瀏覽
泰濃麵今日出開尖沙咀行完I SQUARE國際廣場，行完兼打完卡之後有d肚餓，一出路面見到對面有間「泰濃麵」有好多人排隊，我又唔執輸去排隊拎位，排隊排到我兼入得去食都要大約15分鐘，相當有人氣！呢間泰國菜嘅餐廳都係有一級，又係要出動我塊板嘅時候！企門口排隊期間已經諗好咗食咩啦，卜卜蜆冬陰功係最吸引，一定要叫！1.卜卜蜆冬陰功湯金邊粉+泰式龍眼冰特飲$92+$18（9/10）企喺門口已經比卜卜蜆吸引住，一埋枱就叫咗呢個卜卜蜆冬陰功湯金邊粉，入面d餸好鬼多，包括有大約6隻大蜆、1條秋葵、1隻青口仔、1條蟹柳同1隻蝦，金邊粉個口感有少少爽，我揀咗湯底係冬陰功湯，個湯我覺得唔夠辣，好彩枱面有辣椒粉比你加，我加咗3羹先覺得辣，冬陰功要夠辣先好味！特飲方面跟餐加$18，泰式龍眼冰特飲原價$28，呢杯龍眼冰入面龍眼肉有接近20粒，淨食龍眼肉都飽死了！🤣🤣🤣2.泰式海南雞飯+泰式蝶豆花特飲$69+$18（9/10）呢個海南雞飯個飯有少少黃薑加雞油，雞肉好嫩滑，唯獨是個飯我覺得可以落多少少雞油，咁就更加香！特飲方面跟餐加$18，泰式蝶豆花特飲$28，呢杯特飲紫色好靚，甜甜地好好飲！👍👍👍3.泰式小食拼盤（
今日出開尖沙咀行完I SQUARE國際廣場，行完兼打完卡之後有d肚餓，一出路面見到對面有間「泰濃麵」有好多人排隊，我又唔執輸去排隊拎位，排隊排到我兼入得去食都要大約15分鐘，相當有人氣！
呢間泰國菜嘅餐廳都係有一級，又係要出動我塊板嘅時候！企門口排隊期間已經諗好咗食咩啦，卜卜蜆冬陰功係最吸引，一定要叫！
1.卜卜蜆冬陰功湯金邊粉+泰式龍眼冰特飲$92+$18（9/10）
企喺門口已經比卜卜蜆吸引住，一埋枱就叫咗呢個卜卜蜆冬陰功湯金邊粉，入面d餸好鬼多，包括有大約6隻大蜆、1條秋葵、1隻青口仔、1條蟹柳同1隻蝦，金邊粉個口感有少少爽，我揀咗湯底係冬陰功湯，個湯我覺得唔夠辣，好彩枱面有辣椒粉比你加，我加咗3羹先覺得辣，冬陰功要夠辣先好味！
特飲方面跟餐加$18，泰式龍眼冰特飲原價$28，呢杯龍眼冰入面龍眼肉有接近20粒，淨食龍眼肉都飽死了！🤣🤣🤣
2.泰式海南雞飯+泰式蝶豆花特飲$69+$18（9/10）
呢個海南雞飯個飯有少少黃薑加雞油，雞肉好嫩滑，唯獨是個飯我覺得可以落多少少雞油，咁就更加香！
特飲方面跟餐加$18，泰式蝶豆花特飲$28，呢杯特飲紫色好靚，甜甜地好好飲！👍👍👍
3.泰式小食拼盤（泰式炸蝦餅兩件、炸雞翼兩件、炸芝士雲吞兩件）$78（9/10）
呢碟泰式小食拼盤份量足夠，炸蝦餅入面蝦肉滿滿，炸雲吞入面有最邪惡嘅芝士，仲拉到少少絲添，炸雞翼面頭有少少甜，應該係搽咗蜜糖！😋😋😋
2人總共價錢$275
個人口味總評分：9/10
@siam.noodles
地址：尖沙咀樂道7號嘉樂大廈地下A舖
#泰濃麵 #銅鑼灣 #船河 #船麵 #SiamNoodles #ThaiNoodle #尖沙咀 #泰國菜 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
