影片
更多
2022-07-19
30 瀏覽
平日夜晚上到黎，唔太洗點等，唔知係咪因為呢度既location都比較難搵～唔係朋友介紹都唔知呢度有間咁得意既邊爐店。成間舖入到去既風格係土耳其風，ｄ裝飾以至ｄ枱枱櫈櫈都好有異國風情，好似去左旅行咁！想先表揚一下個湯底，我地叫左個卜卜蜆海底，一上個鍋已經好有驚喜，因為佢有ｄ煙係個鍋度飄出黎幾得意。但重點都唔係呢度，我同朋友係佢滾左既時候，發現成個鍋都係滿晒蜆，我地食極都仲有本身想影我地食完ｄ殼既戰績出黎，但好快比店員收左，我地保守估計一鍋都至少有40-50隻蜆...應該唔只....而且d蜆好鮮甜同埋冇沙，仲好厚肉，我同我朋友食得勁開心我地唔算好餓所以唔算叫得多野，叫左個安格斯牛肉拼盤，少少餃，同埋咸蛋響鈴～牛肉睇落去已經有好均勻既雪花，淥幾秒已經有好重既牛香味，係牛肉粒比較鞋少少，但整體都好值得叫！蟹肉餃食落都好有蟹味，其實一食第一粒已經想Encore叫多碟。。。不過我地今日個胃既容量不足，只好下次再黎整夠８粒鍾意食響鈴既朋友都要試下咸蛋響鈴，佢ｄ響鈴唔會好似某ｄ店咁擺左好耐會林左個種，食落係非常脆口，而且落埋咸蛋，幾有新鮮感！值得一提既係我地叫左一渣竹蔗水，點知一上係一個球體咁，好搞笑
成間舖入到去既風格係土耳其風，ｄ裝飾以至ｄ枱枱櫈櫈都好有異國風情，好似去左旅行咁！
想先表揚一下個湯底，我地叫左個卜卜蜆海底，一上個鍋已經好有驚喜，因為佢有ｄ煙係個鍋度飄出黎幾得意。
但重點都唔係呢度，我同朋友係佢滾左既時候，發現成個鍋都係滿晒蜆，我地食極都仲有
本身想影我地食完ｄ殼既戰績出黎，但好快比店員收左，我地保守估計一鍋都至少有40-50隻蜆...應該唔只....
而且d蜆好鮮甜同埋冇沙，仲好厚肉，我同我朋友食得勁開心
我地唔算好餓所以唔算叫得多野，叫左個安格斯牛肉拼盤，少少餃，同埋咸蛋響鈴～
牛肉睇落去已經有好均勻既雪花，淥幾秒已經有好重既牛香味，係牛肉粒比較鞋少少，但整體都好值得叫！
蟹肉餃食落都好有蟹味，其實一食第一粒已經想Encore叫多碟。。。不過我地今日個胃既容量不足，只好下次再黎整夠８粒
鍾意食響鈴既朋友都要試下咸蛋響鈴，佢ｄ響鈴唔會好似某ｄ店咁擺左好耐會林左個種，食落係非常脆口，而且落埋咸蛋，幾有新鮮感！
值得一提既係我地叫左一渣竹蔗水，點知一上係一個球體咁，好搞笑，要飲個陣就自己開關個制，玩味十足。
整體黎講呢間野既食材質素係幾唔錯，好新鮮，當然一分錢一分貨啦～下次一定會再黎！
張貼
