Craft Brew & Co (已結業)

最近響某知名旅遊facebook page知道呢間野逢星期日18至20:00有$99雞翼放題，諗住去試下。19/2當日1800去到，連埋我地一共有三張檯（共9位）叫左放題，同waitness落order後響位等左半個鐘見勢色唔對問雞翼幾時有（而另外付款既薯條都未有），該店店員話因為人手不足同爐頭唔夠整所以慢，結果我地兩個最後只係前後上左十六隻。最離譜係未到1930，店員居然話雞翼賣哂（前後三張檯加埋都無100隻），最後雖然只係拗到俾左1個人價錢$99，但都唔抵囉。我懷疑根本星期日就無客（我去既係西營盤分店），就拎放題博傳媒宣傳，但從來無預到雞翼個量去做放題。