Honbo (已結業)

今日約咗朋友入荃灣，遊覽歷史建築物南豐紗廠，打卡兼食飯。見到呢間美式漢堡店，裝修簡約型格，好多人嚟外賣自取和外送，應該唔錯就去試下!芝士漢堡有4oz 牛肉漢堡、芝士、酸瓜、洋蔥、生菜 、自家醬汁。 麵包軟熟煙韌，食材高質 。漢堡扒厚身，外層煎封鎖住肉汁，嫩滑鮮甜。 份量十足，食完已經好飽!招牌Honbo漢堡食材跟芝士漢堡大致相同。但招牌Honbo採用了雙層 2oz 牛肉漢堡，薄身脆口，外層微微烤焦，肉香撲鼻。芝士、洋蔥是漢堡最佳配搭，突出濃烈口感。酸瓜、生菜中和油膩，清新口腔！薯寶、拉絲芝士條漢堡可加錢做套餐a/b/c，有炸薯條、薯寶、芝士條、雞寶+飲品。薯寶即叫即做 熱辣辣 脆炸香口惹味， 份量幾多! 芝士條外脆內軟，有拉絲效果，芝士味鹹鹹地幾好食！薑啤好重薑味，仲加有蜜糖，辣中帶甜，口味獨特，令人精神為之一振！