樂天經典 (已結業)

平時去樂天，都是食隔離個小籠包多，但今次試下南洋Singapore的美食。同朋友約飯，去這種就最好啦，座位比較鬆動。星洲食蟹多，我地都叫咗個招牌龍虎燴。好大個蟹，肉質比較實，仲有蝦，蜆，粉，不過粉浸得太耐，斷好多，好難夾。個枸杞淮山雞湯幾好飲，湯液清澄，湯味濃郁。我鐘意食脆皮雞，層皮真是好脆，比起平時的燒雞皮要好，雞肉不會太柴。朋友話配送的蝦片都幾好食。仲加個新加坡炒通菜，比較特別，是特別的南洋醬炒，配飯幾好。