Mee...lemongrass (ac四期) (已結業)

Mee lemongrass今日經過香港仔肚餓想搵野食 不過行左好耐都無野食 發現其實喺香港仔 如果你唔系食潮州野或者食粉麵 仲有剩反既系啲連鎖式快餐店 根本無乜好野食揀 我覺得其實系同馬鞍山既食物沙漠有得揮😪 不過跟住行下行下行到去左香港仔中心 發現呢到竟然新開左一間新既越泰式既餐廳 我自己本身都中意食泰國野 所以梗系入去試下啦 排隊就唔算耐 等左十分鐘左右就有位坐 順帶一提 佢門口有個珍珠奶茶檔口 有賣唔同既奶蓋茶同水果茶 而新開有優惠 買一送一 所以有唔少人排隊買茶 而我入左去食飯都可以喺menu叫茶飲 而且唔使排隊 正!🤗 我兩個人去食 叫左個泰式鳳爪沙律做頭盤 味道都好正宗 酸酸辣辣咁 鳳爪份量都算多 之後叫左越式炒貴刁 佢有別於廣東既炒貴刁 甜甜地咁 不過都油油地 另外叫左個海南雞喇沙 呢個值得一讚 因為海南雞啲雞肉意外地幾嫩 而個喇沙味道都算正宗 最後就叫左個西米糕 好耐無食啦 都食得反以前食既味道😍 不過食得太飽無試到佢既奶茶 下次再試下先 中意食泰國野既香港仔友有福啦😋