影片
更多
2021-07-14
57 瀏覽
好耐都冇嚟過南區呢邊，原來依家西村街市裝修得好靚。正正喺西村街市樓上一層，開咗間有冷氣嘅大排檔，啱晒而家夏天同朋友食飯吹水又有冷氣。見到呢個特價餐牌覺得超級抵，點都要嗌返一樣先。金沙黃金蝦 (必試價: $38)呢個價錢真係性價比相當高，鹹蛋黃包住啲蝦再炸過，食落去啖啖鹹蛋香味，每隻蝦都炸得啱啱好，可以連殼食埋，尤其是個蝦頭咬落好正。脆皮炸大腸 ($68)去食大排檔點少得呢個脆皮炸大腸，炸得脆卜卜，咬落去入面又有少少肥膏，正正係大腸嘅精粹。招牌白胡椒蟹 ($498)一上枱嘅時候已經非常之香，餐廳員工再淋埋白胡椒汁上去，聽到啲鐵板聲都覺得正！仲要成隻蟹都好多肉，望吓蟹鉗真係勁大嚿肉，非常之好食。蒜蓉粉絲蒸蟶子 ($168/4隻)非常新鮮同埋蒜蓉豉油調味得好好，粉絲索晒啲汁，夾起粉絲同蒜蓉蟶子一齊食絕對係人間美味。馬拉盞炒通菜 ($78)估唔到份量咁多，用馬拉盞炒到成個通菜好香好惹味！乾炒海鮮河粉 ($98)不嬲都好鍾意食闊既河粉，呢隻佢吵完好滑好彈牙，上面仲有蝦，青口同埋魷魚，正正！西瓜冰沙 ($42)最後夏日炎炎梗係要飲番杯冰沙，成杯係用真西瓜同冰打嘅，好清甜好解渴。
正正喺西村街市樓上一層，開咗間有冷氣嘅大排檔，啱晒而家夏天同朋友食飯吹水又有冷氣。
見到呢個特價餐牌覺得超級抵，點都要嗌返一樣先。
金沙黃金蝦 (必試價: $38)
呢個價錢真係性價比相當高，鹹蛋黃包住啲蝦再炸過，食落去啖啖鹹蛋香味，每隻蝦都炸得啱啱好，可以連殼食埋，尤其是個蝦頭咬落好正。
脆皮炸大腸 ($68)
去食大排檔點少得呢個脆皮炸大腸，炸得脆卜卜，咬落去入面又有少少肥膏，正正係大腸嘅精粹。
招牌白胡椒蟹 ($498)
一上枱嘅時候已經非常之香，餐廳員工再淋埋白胡椒汁上去，聽到啲鐵板聲都覺得正！仲要成隻蟹都好多肉，望吓蟹鉗真係勁大嚿肉，非常之好食。
蒜蓉粉絲蒸蟶子 ($168/4隻)
非常新鮮同埋蒜蓉豉油調味得好好，粉絲索晒啲汁，夾起粉絲同蒜蓉蟶子一齊食絕對係人間美味。
馬拉盞炒通菜 ($78)
估唔到份量咁多，用馬拉盞炒到成個通菜好香好惹味！
乾炒海鮮河粉 ($98)
不嬲都好鍾意食闊既河粉，呢隻佢吵完好滑好彈牙，上面仲有蝦，青口同埋魷魚，正正！
西瓜冰沙 ($42)
最後夏日炎炎梗係要飲番杯冰沙，成杯係用真西瓜同冰打嘅，好清甜好解渴。
張貼
