Cococabana (已結業)

如果一對情侶想好有情調，浪浪漫漫咁食一餐晚飯，其實唔一定要去大酒店餐廳；呢度已經係一個唔錯而較經濟o既選擇。我和男友o黎果晚係Christmas eve；浪漫旅程首先由香港仔乘街島去模達灣開始。當日我地5點幾已經座街島入去，每人$10，可能因為時間尚早，隻艇只得我地兩個；正值日落，成隻「咸蛋」就o係我地面前，好正！入到模達灣，行十零步就到沙灘旁o既Cococabana。我地訂o左露臺位，一面聽住海浪聲一面食candle light dinner，有D外國feel；雖然o野食只係一般(只係好普通o既幾道菜西餐，大約$3xx一位)，但環境搭夠，我地都食得好開心。不過呢度好細，做o野o既人唔多，所以上菜會比較慢，人多o既話招呼也可能會差D。平時o黎唔使叫指定o既set，隨時會平D添。若大家時間充裕，不妨同另一半o黎試下；呢度夏天會比較熱，入秋或春天o黎吹下海風都幾正~~有興趣可以睇睇呢度：http://www.toptables.com.hk/cococabana/mainpage.html