影片
更多
2010-04-05
14 瀏覽
有朋自廣州來, 當然要帶佢哋去d 平時少去嘅地方啦! 咁啱又有朋友介紹呢個"世外桃源". 一班朋友點可以唔開懷暢飲一番呢?無咩idea, 朋友就叫咗佢哋介紹, 菜式如下:椒鹽鮮魷 : 鮮魷好鮮甜唔韌, 而又唔厚粉漿, 好味!豉油王中蝦 : 新鮮嘅中蝦, 爽甜. 不過就鹹咗d.清蒸鮑魚 : 清甜新鮮, 好味!牛油龍蝦 : 龍蝦多肉又新鮮, 唔似出面嗰d 偷太多肉得d 殼. 不過龍蝦無咩牛油味, 但係洋蔥就吸晒, 正.椒鹽瀨尿蝦 : 個人覺得佢個椒鹽做得一般, 不過都係新鮮, ok既.清蒸魚 : 其實唔知係咩斑, 不過都成3斤ka, 蒸到啱啱好. 只係自己比較鍾意食d 斤幾嘅斑, 因為會滑d ma. kekeke.辣酒煮花螺 : 首先唔食得辣嘅我, 食一隻就收手. 其次係連帶有d 朋友食到小辣都嗌辣. 再o黎係呢度嘅煮法同出面一般嘅方法唔同, 好稠 !海鮮炒飯 : 幾乾身唔太油, ok.清炒菜芯 : 菜芯略為老咗d.豉椒炒蟶子 : 蟶子鮮甜都幾好味, 但係唔多豉椒味!P.S. 佢哋嘅服務都唔錯! 第一, 朋友食食吓嘅時侯有隻蜜蜂飛咗落杯汽水度. 佢哋即刻幫朋友換過第二杯. 第二, 我哋只係
無咩idea, 朋友就叫咗佢哋介紹, 菜式如下:
椒鹽鮮魷 : 鮮魷好鮮甜唔韌, 而又唔厚粉漿, 好味!
豉油王中蝦 : 新鮮嘅中蝦, 爽甜. 不過就鹹咗d.
清蒸鮑魚 : 清甜新鮮, 好味!
牛油龍蝦 : 龍蝦多肉又新鮮, 唔似出面嗰d 偷太多肉得d 殼. 不過龍蝦無咩牛油味, 但係洋蔥就吸晒, 正.
椒鹽瀨尿蝦 : 個人覺得佢個椒鹽做得一般, 不過都係新鮮, ok既.
清蒸魚 : 其實唔知係咩斑, 不過都成3斤ka, 蒸到啱啱好. 只係自己比較鍾意食d 斤幾嘅斑, 因為會滑d ma. kekeke.
辣酒煮花螺 : 首先唔食得辣嘅我, 食一隻就收手. 其次係連帶有d 朋友食到小辣都嗌辣. 再o黎係呢度嘅煮法同出面一般嘅方法唔同, 好稠 !
海鮮炒飯 : 幾乾身唔太油, ok.
清炒菜芯 : 菜芯略為老咗d.
豉椒炒蟶子 : 蟶子鮮甜都幾好味, 但係唔多豉椒味!
P.S. 佢哋嘅服務都唔錯! 第一, 朋友食食吓嘅時侯有隻蜜蜂飛咗落杯汽水度. 佢哋即刻幫朋友換過第二杯. 第二, 我哋只係comment 佢哋嘅辣酒煮花螺, 同我哋喺第度食開嘅有d 唔同, 佢哋就解釋呢個係佢哋自己嘅煮法, 點知轉頭佢哋就話: "可能呢個唔係咁啱你哋食o羅! 不如我送番個例牌豉椒炒蟶子比你哋啦!" 熱情如此, 點可以推呢 ?
旅遊地區, 咁嘅服務, VERY GOOD !
張貼
