影片
更多
2020-01-18
63 瀏覽
舊居終於租出，真是飲得杯落，趁周末約了租客來中環交收鎖匙，順便在附近搵食。途經中環卑利街的「The Roundhouse Taproom」，探頭往內窺看，設計以美式風格為主，兩面牆身都放滿了不同啤酒樽及酒杯墊作裝飾，再配以店內的高身檯櫈、偌大酒吧和開放式門面，環境寬敞舒適，雙腳不自覺地走了進去。店員非常熱情，招呼我們坐下，說可以先細閱餐牌，才決定是否在這裡用餐。食物選項都算多，大部分都是以 Texas Barbecue 為主，除了有兩個 Combo Set 之外，另外亦有豬肋排、手撕豬肉、自家製煙燻腸、牛胸腩、漢堡包、小食、甜品及啤酒等供應。我哋揀咗杯本地手工啤 Carbon Brews Feels Good Man Wheat ($78)，另外點咗個 Big Boy Burger 同 Combo A。小麥啤泡沫漂亮而持久，聞落充滿溫和的西柚、檸檬、及松子香氣，而入口則帶柑橘和穀物的香味，苦味極淡，口感香甜，清爽易入口。Big Boy Burger ($165) 個漢堡包比預期大，而且賣相頗靚，包身夠挺。入面的餡料份量十足，有兩片煙肉、漢堡扒、牛肉、洋蔥、芝士及 BBQ醬。煙肉咬下有點
途經中環卑利街的「The Roundhouse Taproom」，探頭往內窺看，設計以美式風格為主，兩面牆身都放滿了不同啤酒樽及酒杯墊作裝飾，再配以店內的高身檯櫈、偌大酒吧和開放式門面，環境寬敞舒適，雙腳不自覺地走了進去。
店員非常熱情，招呼我們坐下，說可以先細閱餐牌，才決定是否在這裡用餐。食物選項都算多，大部分都是以 Texas Barbecue 為主，除了有兩個 Combo Set 之外，另外亦有豬肋排、手撕豬肉、自家製煙燻腸、牛胸腩、漢堡包、小食、甜品及啤酒等供應。
我哋揀咗杯本地手工啤 Carbon Brews Feels Good Man Wheat ($78)，另外點咗個 Big Boy Burger 同 Combo A。小麥啤泡沫漂亮而持久，聞落充滿溫和的西柚、檸檬、及松子香氣，而入口則帶柑橘和穀物的香味，苦味極淡，口感香甜，清爽易入口。
Big Boy Burger ($165) 個漢堡包比預期大，而且賣相頗靚，包身夠挺。入面的餡料份量十足，有兩片煙肉、漢堡扒、牛肉、洋蔥、芝士及 BBQ醬。煙肉咬下有點硬，但鹹味啱啱好。漢堡扒有 1.5cm 厚，食落有肉味，仲有少許肉汁，質素不錯。洋蔥味道帶甜，而醬汁亦下得剛好，不覺太膩，食到食材原味。
至於 Combo A ($250) 就更加豐富，客人可於四款肉類中任揀兩款，有牛胸腩、烤雞、手撕豬肉、自家製香腸可供選擇，另外還有伴菜，可以三揀二，點了薯仔沙律和芝士通粉。
烤雞足足有成半隻，絕無花假，一點也不欺場。外皮烤得色澤金黃，食落雞皮薄香，而且肉質嫩滑又唔覺嚡，充滿肉汁，好味到停唔到口。牛胸腩送上來時已切成薄片，腩肉肥瘦相間，質感很腍，嫩得來卻不會滿口脂肪。
伴吃的薯仔沙律同芝士通粉亦很有水準，薯仔粉腍香甜，入口薯味濃郁。芝士通熱辣辣，叉起時還冒著煙，食落好彈牙，不過真係好 creamy，非常邪惡，多吃會有點溜，最好配埋炸過的醃漬酸黃瓜一起食，可減膩感
餐廳食物以美式為主，每款份量都不小，建議最好與人分享。
張貼
