半熟工房 (金馬倫道) (已結業)

經過半熟工房，又唔係太多人排隊，就即管買黎試下啦！排左大約25分鐘，就已經買到芝士撻。如果只買芝士蛋糕，唔駛排隊，直接入店內買就得！每12分鐘就有新鮮半熟芝士撻出爐，店員都好細心，排隊既時候，有向顧客遞上清水飲用。買了3件芝士撻同一盒10個裝芝士蛋糕。原本想買5個裝，但已賣晒。店員話芝士撻唔一定要熱食，所以我選擇買返屋企同家人共享。撻好脆，就算凍左都冇淋。內裡軟滑芝士質感，但芝士味不太濃，如果鍾意食芝士既朋友，一定覺得不夠喉！芝士蛋糕需要冷藏，食用期為3日。同芝士撻一樣，芝士味不夠，但好軟滑。如果以呢價錢購買芝士撻同芝士蛋糕，有點不值。