Mitsuya (已結業)

今日放工返大學攞返啲嘢，之後就有朋友話聖士提反里，有間日本餐廳啲嘢食唔錯。就帶咗我去。和式嘅裝修感覺好舒服。首先叫咗個刺身先廣島蠔，甜蝦 。廣島蠔嘅海水味唔太重爽口新鮮，再加埋廚師自家制酸汁一齊食好味道!個酸汁出面食唔返。燒物就揀咗-赤雞腎/雞軟骨/秋葵 雞腎燒到個皮脆脆地，但係肉質一啲都唔乾。雞軟骨燒到金黃色，加少少調味，送啤酒一流!秋葵加上七味粉又香又野味，我最鍾意食~茶碗蒸蛋-帶有柚子香味，蛋汁調較同埋蒸煮時間廚師都做得好好，個蒸蛋同豆腐一樣滑。加埋海鮮一齊蒸，鮮味無比。時令松葉蟹肉壽司-呢個係壽司師傅推介，厚厚嘅松葉蟹肉加埋晶瑩剔透嘅酸汁啫喱，賣相都攞滿分。一食落口，成個口腔都係蟹嘅鮮味，加埋帶微酸嘅啫喱，如果下次嚟一定要再食。小肌魚卷-呢個係一個比較重味嘅卷物，入面有酸薑 紫蘇葉，加埋自家制嘅黃色酸醬。層次感好多，味道又幾配合到魚嘅味道!good~茶壺湯-飲返個湯先，呢道菜味道會淡一啲，清清地嘅上湯加入海鮮，唔錯!蟹膏炒飯-呢個炒飯一定要食，每粒飯都有蟹膏嘅味道，飯炒得乾身，加埋蟹柳洋蔥。如果鍾意食蟹嘅朋友仔，記得留肚食呢個飯。