常滿粥麵小廚 (已結業)

都市人食無定時就在所難免，有時晚飯食得唔多，到半夜三更肚餓都唔知去邊度搵食。因為要一早過去澳門辦點私事嘅緣故，有一晚我在阿K家中作客。未到半夜一點鐘，個肚就已經沽沽作響，又唔想落街食，於是我聽從阿K嘅建議，食常滿嘅外賣粥點。當然阿K都忍唔住口都嗌埋。我地各自叫咗北菇雞粥同埋蠔豉螺片粥。沒多久，外賣已送到。由於阿K住得近常滿嘅緣故，粥還是熱騰騰的，打開個蓋，陣陣北菇嘅香味已撲鼻而來，阿K嘅蠔豉粥亦不俾雞粥專美，蠔豉嘅香味亦能令人食慾大增。雞粥入口好香，而且有北菇混雜雞嘅甜味，用「可口」嚟形容雖然有啲怪怪地，但係我諗唔到其他更貼切嘅形容。粥底好綿，配合少量薑絲同蔥花，有令一種清新嘅感覺。粥還是用瓦煲整先至夠綿，我估常滿深明此道。食到咁上下，都要食吓隻雞，雞肉還是頗滑，可能蘸咗粥嘅緣故；北菇已煮腍，同樣是很美味。阿K嘅蠔豉螺片粥就要留待日後我親自食過之後才能品評。用咗幾多錢我已經唔記得，所以提供嘅數字只係約數。