黑木亭居酒屋 (金馬倫道)

🥣龍蝦刺身🥣：💰$498本月推介⭐️龍蝦刺身三食⭐️半價左唔洗$500😱龍蝦肉切件，夠新鮮鮮甜，爽口彈牙，我係第一次食龍蝦刺身呀！🥣龍蝦蜆肉濃汁燴飯🥣：用刺身個隻龍蝦煮另一碟菜，呢碟似西班牙燴飯，超多芝士拉到絲，蜆肉大粒，飯軟硬適中，整碟海鮮味夠濃。🥣龍蝦鉗蒸蛋🥣：一set兩碗蒸蛋，各一龍蝦鉗，啖啖肉，仲有大量蟹籽，好足料嘅蒸蛋。🥣白飯魚干脆片🥣：💰$68可以用黎餸酒既小食，每片都好薄夠香脆，白飯魚香十足！🥣炸物拼盤🥣：💰$168配三款醬，黑松露/洋蔥醬/茄醬，有炸蝦、炸蠔、炸雞軟骨、炸雞球、薯條，兩隻肥美既蠔，雞球肉嫩肉汁爆發，全部都炸得好酥脆，雞軟骨厚肉，炸蝦都係啖啖肉。🥤綠茶鮮奶熊脆脆🥤：💰$68有粒可愛熊熊冰🐻配幾粒可可脆脆，味道係淡淡綠茶+甜奶，少似綠茶拿鐵。🥤紅火龍佛手柑熊茶🥤：💰$68顏色好吸睛，記得Mix左先飲！有鮮檸片，底部佛手柑蜜味道似柚子蜜，好香甜清新。