養心殿台式養生鍋 (已搬遷) 新店位置

上星期朝早喺The One睇完逆權公民，睇完就返左旺角食養生殿。今次係第二次食，第一次係幫襯荃灣店（但係大鴻輝逗留好似有點令人不安，成日諗火爉唔個知點走），所以決心轉戰其他分店。兩次都係lunchtime食，因為佢d野食都唔平，如果冇半價會食到變窮_ 。我地照樣order左美人鍋同養生鍋 （$188）美人鍋湯底係用原隻烏雞、杞子、南棗同金華火腿制；而養生鍋就用藥材同人蔘煮成。兩個湯底都好足料，好濃郁同滋補，為免影響味道，我地每次都會先飲湯，再食下紅薯粉先再淥肉同響鈴。由於唔算餓既關係，我地只係order左手工丸、響鈴、金菇、鴨血、紅薯粉同Q菜。手工丸有五款，個人覺得芝士牛丸同蝦丸尤其美味。響鈴是餐廳炸的，所以好新鮮同唔會有油膱味。平時食鴨血都係配麻辣鍋，但原來配唔辣既都係好食，因為佢唔腥而且又滑又嫩。至於金菇因為係日本產既關係，好味就唔洗講嫁啦。紅薯粉同Q菜都是基本的啦。總括係唔錯既一餐，加上餐廳比較靜，枱之間密度唔高，好適合hea，最後我地響度坐到6:30pm先走，埋單500蚊，又飲埋啤酒，算OK。