牛繁 (MW Plaza) (已結業)

中午同老死黎食晏，打算填飽個肚先去睇戲~~老友帶左我黎食燒肉，呢度既地方都幾大，抽風系統亦做得幾好！！呢度午市有set lunch，有六款既肉類選擇，有四款係$128，牛五花同牛小排就要額外加錢~~套餐會包埋前菜、沙律、湯品、白飯同飲品，呢日既係蛋花蘿蔔湯：）沙律有兩款，我地一人一款share食~分別係薯蓉沙律同蟹柳沙律，味道都okkk！之後我地所揀既肉都好快黎到：）我加錢要左份牛五花，而朋友就要左S2既牛肋肉~~牛五花燒完食落軟腍脂香，牛肋肉肉味香濃！燒好既牛肉沾上少許鹽巴經已好好食~當然配飯亦係另一佳選啦xppp食飽飽之後再飲返啖冰凍既檸茶又爽又解渴，正！！！