真心泰國菜館 (已結業)

星期日訓到自然醒，想出旺角行下，行之前去食個午餐，朗豪坊人頭湧湧，又貴又多人，識食緊係去佢隔離朗晴坊覓食呢間二樓既「真心泰國菜館」，食過好幾次，質素穩定可靠，午餐價錢經濟，絕對抵食裝修充滿泰式風格，乾淨衛生！午市餐牌選擇很多，小食、炒菜、炒粉麵飯都齊龍眼冰（跟餐＋$10）、泰式奶茶（跟餐＋$5），奶茶有泰國茶香，但係少甜版本，適合香港人口味點了泰式香辣海鮮炒飯$56＋乾炒海鮮河$56炒飯份量多又夠味，微辣惹味，飯粒粒均勻，餸收埋係底，有蝦、魷魚、青口、蟹柳炒河超夠鑊氣，河粉綿滑，真係好好味炸蝦餅$68新鮮即炸，外層脆口，內裡結實彈牙炸春卷$55色水比較淺色，但都係熱辣辣又脆口