尚八日式燒肉店 (已結業)

一直聽聞尚八燒肉係一間抵食又高質嘅燒肉放題店，其實一路以來都未試過，原因因為佢話就話任食日本和牛HKD458好似好抵，但其實都係好貴下，如果一家人或同伴侶嚟無一千銀都落唔到樓，係依家咁嘅時勢裡面其實都唔平，話就話高質，但係都係唔捨得嘅~但原來佢地午市有一個平到唔信嘅價錢HKD108(五六日HKD138)嘅放題，雖然唔可以order牛同刺身，但其他野全包，野飲重可以任叫，重有一個精選頭盤有牛有海鮮，其實真心抵。唔好以為佢午市做咁嘅價錢，啲食物質數會相應地降底喎，係無，無hea俾肉同miss order，係同樣高質水平，喇我就講講今日我食咗嘅乜野重點highlight分享俾大家啦。

4

精選頭盤 會跟餐送一人二客嘅食物有以下： 燒汁牛肋骨肉片 / 鹽燒極上一口牛 / 鹽蔥牛舌 / 香草牛油青口 / 鹽燒虎蝦 / 香草牛油廣島蠔各兩片

精選頭盤 會跟餐送一人二客嘅食物有以下：
燒汁牛肋骨肉片 / 鹽燒極上一口牛 / 鹽蔥牛舌 / 香草牛油青口 / 鹽燒虎蝦 / 香草牛油廣島蠔各兩片 

燒汁牛肋骨肉片 - 肉味唔係好濃，但油花都叫多，個汁唔會太鹹嗆走本身唔太重牛肉味，幾好。

鹽燒極上一口牛 - 其實我好怕食一口牛，因為好難控制佢嘅生熟，由其係燒肉放題，但佢哋溶雪處理做得幾好，個芯同面都係室溫嚟，所以變相食客可以更易控制到佢生熟，食落唔靭，有肉味嘅

鹽蔥牛舌 - 易個好食，厚度適中，燒完吃落還有口感，食味正常。

香草牛油青口 - 本人唔太好青口，食味正正常常。

鹽燒虎蝦 - size係基圍蝦size，但真係虎蝦嚟嘅，鹽係足夠嘅，食落有鹽燒效果。

香草牛油廣島蠔 - 好貼心咁有個鋁兜兜住生蠔，啲牛油分量當好，唔會太多令到啲蠔油淋淋，有蠔味，食落係覺得新鮮嘅。

1

A4和牛片

精選頭盤 - A4和牛片
A4和牛片 - 同樣牛味唔太濃，但油花比牛肋骨肉片更豐富，同肉質唔嚡口，咁嘅價錢有此貨吃，抵！

好喇~送嘅精選頭盤就係咁多，係時候講講佢牛市hkd138放題嘅食物喇。

午市燒肉放題

$138

午市燒肉放題

$138

午市燒肉放題

豬雞都係果啲鹽燒呀柚子呀青檸汁嘅腌汁，味道係ok，唔難食，應該咁講係水準以上，食嘅位置唔會太肥或太柴，絶對唔令你自己覺得係食跟平野，有啲你一定會encore添。選擇絶對係多，就算熟食都唔少選擇，又好食，基本上你試過一次佢嘅午市放題係一定會覺得抵食同實會回到本嘅。