炑八韓烤 (彩明商場) (已結業)

見附近新開咗間韓式餐廳，今日同朋友專登去試下。 由於係新開張嘅關係所以好早就已經full曬，我哋十二點鐘去到，都要等一陣先入得。睇返餐牌，午餐除咗可以食韓燒，仲有其他飯、粉絲等等， 而且選擇都幾多。定食類燒肉類牛肉拌麵， 牛肉拌麵感覺同伴飯嘅分別就係轉咗做麵， 面底唔似係辛辣麵不過有少少酸辣嘅味道， 食落我覺得啲面有啲過淋，而且攤埋一舊……好難同菜同蛋撈勻嚟食 就算撈埋啲菜一齊食感覺都有啲怪。 雖然叫做拌麵但係都係熱上的。 牛肉ok幾入味幾好食但係份量偏少。 朋友推介嘅邊個烤牛肉流心蛋韓式粉絲， 賣相幾好而且石鍋上，熱辣辣。另外前菜係可以任添的， 除咗泡菜，仲有芽菜同埋醃蘿蔔，仲有海苔。 個人覺得芽菜同泡菜係最好食的。因為有朋友食韓式燒肉， 所以有爐邊蛋食，都係任食的，不過 要煮熟啲爐邊蛋都燒咗好耐，結果其實食完第一輪爐邊蛋都已經差唔多九個字…總括嚟講其實午餐算幾抵食， 大概五十蚊有湯有前菜有飯， 茶餐廳都未必得。 而且唔使加一，份量亦都夠飽唯一覺得係樓面人手嚴重不足， 要叫好耐好耐好耐先有人來……