Solé (已結業)

第一次去你間餐廳，食咗個商務午餐。有前菜主菜甜品餐飲。服務和環境衛生度很好。$400也還可接受。但冇諗過第二次再去呢間餐廳食晚餐會有相反嘅感受。唔知點解啲侍應好似同我玩捉迷藏，成日都唔見咗。我飲晒杯水半個鐘都冇人同我加水。個晚餐一開頭有兩個蕃茄，三個麵包食麵包。之後食鵝肝又有麵包，之後嚟過鄉村濃湯裏面又有麵包，食麵包已經飽咗。主菜係龍蝦意粉，龍蝦鹹到好似浸咗鹽水成晚一樣，龍蝦鉗沒有夾碎，雖然有個鉗都好難打開。我太太叫咗個五成熟肉眼扒，但係冇血嘅，估計已經八成熟了。啲薯條上面個滿咗閃令令嘅鹽，下午到食唔落。之後離歌甜品本來Menu上面寫住係雪糕，但係唔知點解嚟咗兩個好細小嘅蛋糕，旁邊有一塊朱古力，硬到差啲咬崩牙。最搞笑係呢個Menu $998係冇包餐飲嘅。加埋服務費10%埋單。間餐廳個環境幾舒服，但係個服務同食物質素真係唔值呢一個價錢。我成一個$50茶餐廳都有包餐飲，但係這個$998嘅Menu竟然唔包餐飲，有甜品但都冇一杯奶茶，係我見過史上最唔完善嘅Menu。建議大家入去食之前考慮清楚唔好俾個環境呃咗你。