京笹居酒屋 (已搬遷) 新店位置

今天，朋友約食午餐，一口便應承，落去亞士厘道睇下邊間未食過，就走去試試。行到這裡，看看餐牌，又給門口的侍應話有什麼優惠，即管試試。這裡不算大，但就滿牆掛滿日文餐牌，相信這裡以日本人客人居多掛。坐低後，女侍應就話先要解釋今日的午餐，其實都冇乜心機聽佢講乜，都係睇番餐牌見岩就叫。自己叫左個秋刀魚定食，朋友就叫左個燒牛柳定食。我的一個秋刀魚，味道麻麻，燒得太乾，落了檸檬汁都解決不到問題。在乾乾沒有味道的秋刀魚配著下食著白飯，就覺得只是食著沒飯一樣單調。朋友的牛柳定食，聽說亦只是過得去而已。埋單時，才知道原來朋友早有預謀想請我食飯，我亦老實不客氣的接受吧，但都要說：早知食豪d啦，哈哈！