車麵館 (已結業)

Lunch買外賣，公司是自由時間食飯，平平地食下午茶，未知食咩好，經過車麵館，講起來好耐冇食過車仔麵，黃店，必支持下。小小的店子，不過今日唔堂食，買外賣。套餐，抵食之選，三十幾蚊有交易。全日車仔麵套餐，$36，二餸一麵(只限十元車仔餸)，包熱飲/罐裝。要了沙爹汁上湯配油麵，豉油皇雞翼及美味齋，油麵份量頗多，沙爹汁味道濃郁，兩隻豉油皇雞翼入味，美味齋份量多，仲要搭條菜，食得好飽又滿足呢。炎夏飲汽水，爽!抵食的車仔麵，午餐又多一個選擇，支持小店。