波士頓餐廳

營業中

休息中

今日晏就黎左依到食,平時睇開既食開既都應該係依到出名既火焰牛扒,不過今日食晏就就當然唔會喇,餐湯我自己就要左羅宋湯,唔算有特別,味道都係正常既,雖然湯料真係十足,而且蕃茄味都好夠,不過就唔夠濃,有少少稀,如果濃少少應該都幾好味,加埋個餐包,餐包都係正常,軟熟不過無咩口感,幾好既,今次就叫左焗飯,焗飯就當然係最耐,如果一叫就黎就更加唔開心,因為係焗定既,依到就當然係即叫即焗喇,一黎到熱辣辣,賣相好吸引呀,份量唔算太多,不過都夠食,白色既忌廉汁,有番少少配菜係到,唔係太單調,芝士都焗得好好,食起上黎有絲既,飯底係用炒飯加埋忌廉汁同芝士,食落當然好香,仲有一大塊魚柳,好厚身嫁,咁既價錢咁既質數都算係十分平,而且都算好食。