韓燒大叔

營業中

休息中

呢間韓燒放題真係抵食，午市只需$168/位，加多$38仲有海鮮！食物選擇多到你唔知由邊度開始，每碟都細細碟，放喺爐邊睇落去已經好豐富。肉類選擇；韓式牛肉同牛肋骨係必試之選，肉質嫩滑，醃製得啱啱好，燒到微焦嘅時候，最正。韓式豬頸肉同五花腩油脂分佈均勻，肉質唔錯。雞肉選擇多樣化，有雞軟骨同雞翼，尤其係雞軟骨，咬落去香脆可口。海鮮選擇；加多$38就可以享受海鮮，真係抵玩。八爪魚、墨魚、魷魚燒嗰陣時嗞嗞聲，正。青口同多春魚都唔錯。另外，前菜、飲品、甜品任食，韓式泡菜同各式小菜都做得好地道，仲有唔少飲品選擇。甜品有泡芙、朱古力布朗尼。