祥仔 (永康街) (已結業)

剛剛喺附近見客，同客一齊食飯，問佢附近有乜嘢好介紹，佢話呢間餐廳由名廚主理可以試吓。餐廳係工廠區新式寫字樓地下，門面設計似Cafe，座位有啲似茶餐廳同快餐店嘅混合，但每個座位之間都好闊落。普通餐牌的主菜只有一個配菜或湯或飲品，反而午市特別套餐相對優惠，會跟一個配菜或湯另加一杯飲品，平大約$15-20元。所以都試咗個特別嘅兩日兩夜羅宋湯。叫咗個廚師推介 ’祥仔經典咖喱雞飯‘，烹調方法及咖哩味道近似印度方式，加上印度式脆餅，但是少了一種印度香料獨有嘅味道，辣度同餐牌顯示差不多（2隻辣椒），中辣水平，雞肉應該係全隻雞髀分兩份上，雞肉好滑嫩而肉質結實，加上油飯一齊食，最好配搭。俄國牛肉飯用牛扒配搭而不是牛肉粒，感覺比較抵食，牛扒煎煮嘅火候及時間控制得10分好，大約七成熟，切開後中間仍然見到少少粉紅色，牛肉味好濃，類似羅宋湯底做汁，更能帶出牛肉嘅香味。