心鉄板燒 (已結業)

機緣巧合又黎到心鐵板燒，今次好好彩可以坐正師傅前面睇表演。日式鐵板燒有一種魔力，果種細膩，會令人睇到目不轉晴。午市幾抵食，套餐比較精簡但價錢大概係晚市的一半。兩款套餐當中我揀左自選套餐，因為彈性比較大。選項中揀左北海道帶子同黑豚薄燒。點茶後店員即時送上沙律，爽脆清新好開胃。同時師傅已經開始表演，熟練地將前菜製作好。紅椒的味道好fresh，正好打開味蕾。0係我地嘆緊時令蔬菜時，一邊可以欣賞師傅的功夫，實在係一種享受，亦係日式鐵板燒吸引之處。海鮮我揀左北海道帶子，估唔到師傳將帶子燒香後仲有下一著。在燒熱的帶子表面再加上酸酸甜甜的蛋醬，用火槍再加熱。加上醬汁，整體的口感變得好有層次。雖然好鍾意食靚和牛，但係今次我揀左一試黑豚薄燒，因為知道佢地有代理高尾牧場的神戶豚肉。神戶牛聽得多，原來神戶的豚肉都好高質，係豚肉界的鑽石。薄薄的豚肉燒香接近有少少脆，再夾試泡菜，好特別。但泡菜無搶去豚肉的獨特鮮香，反而提升令豚肉的鮮味更持久。伴碟仲有蘋果蓉，又多一種口味。味蕾刺激過後係湯物同漬物。比較欣賞湯物，係較為獨得的枝豆忌廉湯。眼見常常吃的枝豆被打成蓉，好過癮。炒飯係鐵板燒當中唔少得的環節，粒粒珍珠米被炒