豐鍋日式涮涮鍋 (已結業)

呢間打邊爐夜晚食過，味道唔錯；下午同朋友過咗嚟食，下午佢哋有做午市套餐，分別係一啲日式定食及刺身魚生飯為主。選擇都幾多，見好耐都冇食過刺身，就叫咗刺身定食 。所有定食包前菜、茶碗蒸、麵豉湯及罐裝飲品，都幾豐富。季節刺身定食$128厚切三文魚、魷魚、三文魚籽等。呢個餐刺身都幾大塊同厚切。我仲轉左壽司飯。揀咗海幸丼$118: 有三文魚、赤身、油甘魚、島池、甜蝦、三文魚籽、帶子，刺身款式多，所以都幾豐富，但刺身就冇季節刺身定食咁厚。定食嘅麵豉湯好足料，而且味道都夠濃。蒸蛋幾特別，有麻醬味，而且都幾滑。飲品揀咗錫蘭檸茶及七喜。